بھارتی تیلگو زبان فلم انڈسٹری From Wikipedia, the free encyclopedia
تیلگو سنیما (انگریزی: Telugu Cinema) جو عام طور پر ٹالی وڈ کے نام سے جانا جاتا ہے، حیدرآباد اور وشاکھاپٹنم میں واقع بھارتی سنیما کا حصہ ہے، جو تیلگو زبان میں موشن پکچرز پروڈیوس کرتا ہے۔[2] 1909ء کے بعد، فلم ساز رگھوپتی وینکیاہ نائیڈو نے مختصر فلمیں پروڈیوس کرنا شروع کی اور ان فلم کی پروموشن کے لیے ایشیا کے دور دراز علاقوں میں جایا کرتے تھے۔ 1921ء میں انھوں نے پہلی، تیلگو[3] خاموش فلم بھیشما پرتگنا پروڈیوس کی۔ انھوں کو تیلگو سنیما کے والد کے طور پر جانا جاتا ہے۔[4][5][6] تیلگو سنیما، بھارت کی دوسری بڑی فلم صنعت ہے۔[7]
تیلگو سنیما | |
---|---|
![]() پرسادس ملٹی پلکس، حیدرآباد | |
تعداد اسکرین | بھارتی ریاست آندھرا پردیش اور تلنگانہ میں 2809 اسکرین[1] |
بنیادی تقسیم کار | آرکا میڈیا ورکس سریش پروڈکشن سری وینکٹیشورا کریشن گیتا آرٹس 14 ریلز انٹرٹینمنٹ پی وی پی سنیما پرساد آرٹ پکچرز اوشا کیرون موویز ویجیانتی موویز ان پورنا اسٹیڈیوز |
1933ء میں، ایسٹ انڈیا فلم کمپنی نے اپنی پہلی بھارتی فلم، تیلگو زبان میں ساوتری پروڈیوس کی۔ یہ فلم ایک اسٹیج ڈراما پر مبنی تھی۔ اس فلم کو "تیلگو ڈراما تحریک" کے باپ سی پلیاہ نے ہدایت کیا۔ اس فلم میں ویمری گگیاہ "یامی" اور داسری رامتھلکم "ساوتری" کے کردار میں نظر آئیں۔[8] یہ فلم کلکتہ (کولکتہ) میں تقریباً ₹1 million (امریکی $14,000) کے بجٹ سے بنائی گئی۔[9] اس فلم نے دوسرے وینس بین الاقوامی فلم فیسٹول کے دوران میں ایک اعزازی ڈپلوما حاصل کیا۔[10]
جنوبی ہند کا پہلا فلم اسٹوڈیو درگا سینے ٹون 1936ء میں راجامنڈری، آندھر پردیش میں ندامرتھی سورّیا کی طرف سے قائم کیا گیا۔[11] 1951ء کی فلم پٹالا بھیروی پہلی جنوبی ہند کی فلم ہے جو پہلے بھارت کے بین الاقوامی فلمی تہوار کے موقع پر دکھائی گئی۔[12][13] یہ تقریب 24 جنوری، 1952ء کو بمبئی میں منعقد ہوئی۔[14][15][16] سی این این نے پٹالا بھیروی (1951ء)، ملسوری (1951ء)، دیوداس (1953ء)، مایا بازار (1957ء)، نرتنسلا (1963ء)، مارو چرترا (1978ء)، ماں بھومی (1979ء)، سنکربھرنم (1979ء)، سگارا سنگمم (1983ء) اور شوا (1989ء) کو 100 بہترین بھارتی فلموں کی فہرست میں شامل کیا ہے۔[17] سال 2005ء، 2006ء، 2008ء اور 2014ء میں تیلگو سنیما نے بالی وڈ سے بھی زیادہ فلمیں پروڈیوس کی ہیں اور ان سالوں میں بھارت کی سب سے زیادہ فلمیں پروڈیوس کرنے والی فلم صنعت ہے۔[18][19]
اس فلم صنعت کے پاس دنیا کا سب سے بڑا شوٹنگ اسٹوڈیو راموجی فلم شہر ہے۔ یہ شوٹنگ اسٹوڈیو گنیز بک میں شامل ہے۔[20]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.