بینظیر بھٹو کا قتل (انگریزی: Assassination of Benazir Bhutto) 27 دسمبر 2007ء کو پاکستان کے شہر راولپنڈی میں ہوا تھا۔ بینظیر بھٹو، دو بار وزیر اعظم پاکستان (1988ء – 1990ء؛ 1993ء – 1996ء) رہ چکی تھیں اور قتل کے وقت کی حزب اختلاف کی پاکستان پیپلز پارٹی کی رہنما، جنوری 2008ء میں ہونے والے انتخابات سے قبل انتخابی مہم چلا رہی تھیں۔[1][4][5] لیاقت قومی باغ میں سیاسی جلسے کے بعد بینظیر بھٹو پر گولیاں چلائی گئیں اور فائرنگ کے فوری بعد ہی خودکش حملہ کر دیا گیا۔ انھیں راولپنڈی جنرل اسپتال میں مقامی وقت کے مطابق 18:16 بجے (13:16 متناسق عالمی وقت) مردہ قرار دیا گیا۔ اس دھماکے میں بینظیر بھٹو کے علاوہ 23 دیگر افراد ہلاک ہوئے۔[3] اس سے قبل بھٹو پر ایک حملہ ہوا تھا جس میں وہ بچ گئیں تھیں (2007 کے دھماکے) جس میں کم از کم 180 افراد ہلاک ہوئے تھے، بینظیر بھٹو کی جلاوطنی سے وطن واپسی کے بعد یہ دھماکا ہوا تھا۔
بینظیر بھٹو کا قتل | |
---|---|
مقام | لیاقت قومی باغ، راولپنڈی، پنجاب، پاکستان، پاکستان |
متناسقات | 33°36′26″N 73°03′49″E |
تاریخ | 27 دسمبر 2007 [18:16 پاکستان کا معیاری وقت] |
نشانہ | بینظیر بھٹو |
حملے کی قسم | تہدّفی قتل[1] شوٹنگ خودکش حملہ[2] |
ہلاکتیں | کم از کم 24 (ہدف سمیت)[3] |
مرتکب | القاعدہ, تحریک طالبان پاکستان |
پس منظر
بینظیر بھٹو نے جلاوطنی کا انتخاب خود کیا تھا جبکہ بدعنوانی کے الزام میں ان پر عدالتی مقدمات غیر ملکی اور پاکستانی عدالتوں میں چل رہے تھے۔ آٹھ سال دبئی اور لندن میں رہنے کے بعد، 2008ء کے قومی انتخابات کی تیاری کے لیے 18 اکتوبر 2007ء کو کراچی واپس آئیں۔[5][6]
حوالہ جات
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.