احمد بن ابراہیم دورقی
تبع تابعی محدث / From Wikipedia, the free encyclopedia
احمد بن ابراہیم الدورقی تبع تابعی تھے، ابتدائی اعلام حنابلہ میں شمار کیے جاتے تھے۔ پورا نسب یوں ہے۔ احمد بن ابراہیم بن کثیر بن زید بن افلح بن منصور بن مزاحم ابو عبد اللہ العبدی الدورقی۔ سنہ 168 ہجری، مطابق 784 عیسوی میں پیدا ہوئے۔ مشہور حافظ حدیث یعقوب الدورقی کے بھائی تھے اور معروف ثقہ محدث و راوی عبد اللہ بن احمد الدورقی کے والد تھے۔ دورق عربی زبان کا لفظ ہے جو زاہدوں اور عابدوں کی خاص ٹوپی کو کہا جاتا ہے۔ احمد بن ابراہيم اس ٹوپی کی تجارت کیا کرتے تھے، اس لیے ان کی نسبت دورقی ہے۔ اور بعض لوگوں کا کہنا ہے کہ ان کے والد ابراہیم بن کثیر بہت عبادت گزار اور زاہد تھے، چنانچہ اس زمانے میں جو عابد و زاہد ہوا کرتے تھے انھیں دورقی کہا جاتا تھا۔[1]