Эгра — Удмуртиысь каргурт (посёлок), Эгра ёрослэн шорсюлмыз. Чугун сюрес станция. Интыяськемын Лоза шур дурын, республикамылэн уйпалаз. Эграысен Ижозь 92 иськем. 1954-тӥ арысен 2012-тӥ арозь городлы тупась посёлок вал.
| Каргурт
Эгра (черкогурт)
 57°33′00″ с. ш. 53°05′10″ в. д.HGЯO
| ||||||||||||||
  Эгра (черкогурт) | ||||||||||||||
Эгра пыр ортчо Иж — Балезино чугун сюрес, Иж — Глаз но Кузон — Пермь асфальт сюресъёс. Эгралан 20 сюрс улӥсез. Соос пӧлысь 50 процентэз удмуртъёс, 44 процентэз ӟучъёс, 2 процентэз бигеръёс.
Эгралэн кылдонэз кутске 1678-тӥ арын. 18-тӥ даурлэн шораз та пала вуо Россилэн шор улосъёсысьтыз крестьянъёс.
1936-тӥ арын Эгра луэ ёрослэн шорсюлмыз. Посёлоклэн азинсконаз туж бадӟым вамыш луиз Быдӟым ож вакытэ Ижевск-Пибаньшур чугун сюресэз ӝутон.
1954-тӥ арысен Эгра городлы укшась каргурт луэ. Татын 10-лэсь уно бадӟым промышленной предприятиос. Соос пӧлын му вӧй кысконъя 3 предприятие. Удмурт шаерын кыскем му вӧйлэн 20 процентэз Эгра ёросын поттэмын луэ.
40 пумо вуз поттэ «Игра-молоко» огазеяськон. Вуз вӧлмытон удысын азинлыко ужало Игра райполэн но «Комета» огазеяськонлэн магазинъёсыз.
1939-тӥ арысен черкогуртын потэ «Светлый путь» ёрос газет. 90-тӥ аръёслэн кутсконазы бордаз ватсаськиз удмурт кылын «Вакыт» приложение. Черкогуртын но ёросын туж вӧлмемын ёрос радио.
Эграын ужа шаертодонъя музей. Ёросысь калык киужъёсъя юртын усьтэмын удмурт ӝӧккышетъёслы сӥзем «Эгра пужыос» музей. Татчы люкамын 19-тӥ-20-тӥ дауръёсы куэм сюлэсь уно ӝӧккышетъёс. Озьы ик бадӟым саклык висъямын кызьпу туйлэсь, горд сюйлэсь, бадьпу ньӧрлэсь арбериос лэсьтонлы.
Автостанцилэн юртаз усьтэмын удмурт суредасьёслэн ужъёсынызы галерея. Суредъёсты татчы дунтэк кузьмаз Россиысь наукаысь дано ужась Н. В. Витрук.
Черкогуртын шутэтскыны луэ «Нефтяник» культурая но спортъя дворецын, ёросысь культурая юртын, калык киужъёсты азинтонъя центрын.
Чӧлсконъёс
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
