From Wikipedia, the free encyclopedia
Yamkuro yɛ nsisiiɛ a ɛsi yafunu nwoma no mu,ɔfa a ɛdi kan wɔ yafunu no mu a nnuanenuro kɔgu no, anaa sɛ drobɛn a ɛwɔ fam no.[1][2]Yamkuro a ɛsi wɔ yafunu mu no, wɔfrɛ no"gastric ulcer", na deɛ ɛsi wɔ yafunu no nwoma a ɛdi kan no, wɔfrɛ no "duodenal ulcer".[3]Yamkuro a ɛsi wɔ yafunu nwoma no mu a ɛnyɛ na koraa ne sɔre a wobɛsɔre anadwo ne w’ayase soro a ɛbɛyɛ wo ya na ɛrentumi mma wo nnidi no.[4]Wɔ kuro a ɛsi wɔ yafunu no mu no,yaw no ano bɛyɛ den na adidie nso bɛyɛ den.[5]Mpɛn pii no, wɔfrɛ saa yaw no sɛ ɔhyeɛ.Mpopoeɛ binom ne mmusoɔ,feɛ,wo so bɛte,anaa sɛ worentumi nnidi.Ɛbɛyɛ sɛ mpaninfoɔ nkyekyɛmu mmiɛnsa na sɛ wɔnya yamkuro a worenhunu ɛho mpopoeɛ.Nsunsuansoɔ no bi bɛtumi ayɛ mogyatuo,tokuro a ɛbɛsi wo yam anaa sɛ wo yam kwan bɛsi.Mogyatuo no si bɛyɛ ɔha mu nkyekyɛmu dunnum(15%)wɔ akwan beberee so.[6]
subclass of | Nsonomuyadeɛ, duodenal disease, Nyarewa ![]() |
---|---|
has cause | Helicobacter pylori infectious disease, non-steroidal anti-inflammatory drug ![]() |
afflicts | STOM, duodenum ![]() |
health specialty | gastroenterology ![]() |
symptoms and signs | epigastric pain, heartburn, melena, hematemesis ![]() |
ICD-9-CM | 533 ![]() |
ICPC 2 ID | D86 ![]() |
NCI Thesaurus ID | C3318 ![]() |
Adeɛ a ɛde yamkuro ba pa ara ne sɛ wobɛnya yareɛ a wɔfrɛ no Helicobacter pylori ne non-steroidal anti-inflammatory drugs(NSAIDS).[7]Nneɛma binom a ɛsan de yamkuro ba ne nnubɔnenom,sɛ wobɛha nipadua no beberee berɛ a nipadua no wɔ yareɛ bi a ano yɛ den no,nyarewa a ɛtumi bɔ nipadua akwaa beberee, yareɛ a ɛyɛ nipadua no mu deɛ ɛyam aduane a yɛdi kɔ yɛn mu no ne brɛboɔ ho yareɛ.[8]Wɔn a wɔanyini no wɔ atinka pa ara ma yamkuro a NSAIDS de ba no.[9]Wɔtumi hunu saa yamkuro yi ɛsiane mpopoeɛ a ɛda ne ho adi no a endoscopy anaa sɛ barium swallow de ba no.Yɛbɛtumi ahunu yareɛ a wɔfrɛ no H. Pylori sɛ yɛde mogya no fa mfidie mu hwehwɛ mmoawa a wɔbɔ nipadua no ho ban a,afei sɛ yɛbɛyɛ nhwehwɛmu afa dwonsɔtwaa ho,nhwehwɛmu a wode bɛhunu mmoawa binom,anaa sɛ yafunu no mu nhwehwɛmu. Nyarewa binom a ɛwɔ saa mpopoeɛ no bi ne yafunu yareɛ mu koankorɔ,akoma yareɛ, ne yafunu no nwoma a ɛno ara bɔ ne ho mmɔden tia nyarewa binom.[10]
Adidie nnyɛ ade titire a ɛde yamkuro ba anaa sɛ ɛtumi si ayamtuo ano.[11]Ɛho ayaresa no bi ne sɛ wobɛgyae nnubɔnenom,wobɛgyae NSAIDS nom, wobɛgyae nsaden nom,na afei woanom nnuro a ɛbɛte nsuden a ɛwɔ yafunu no mu ahoɔden so.Mpɛn pii no nnuro a wɔde te saa nsuden yi ahoɔden so ne proton pump inhibitor(PPI) anaa sɛ H2 blocker, a ɛwɔ sɛ ɛho ayaresa no di nnawɔtwe nnan(4weeks).Wɔde nnuro ahodoɔ bi te sɛ amoxicillin, clarithromycin, ne PPI na ɛhwɛ yamkuro a H. Pylori de ba no.Nnuro ahodoɔ a ɛsi nyarewa ano kwan no kɔ soro deɛ nanso ɛnyɛ berɛ biara na ɛtumi di dwuma.Yɛbɛtumi de endoscopy asa yamkuro a ɛtu mogya,na yɛbɛtumi nso apae ne yam asa no yareɛ berɛ a endoscopy no antumi anyɛ adwuma no.[12]
Yamkuro ho mpopoeɛ na ɛdidisoɔ yi:[13]
Yamkuro nsɔano ma wɔn a wɔfa NSAIDS bɛtumi ayɛ yie sɛ wɔde nneɛma binom te sɛ proton pump inhibitor(PPI), H2 antagonist anaa sɛ misoprostol.[14]NSAIDS a ɛyɛ COX-2 inhibitors tumi te mpɛn dodoɔ a yamkuro de ba no so, sɛ wode toto non- selective NSAIDS no ho a.[15]PPI yɛ adeɛ a ɛtumi boa sɔ ayamkuro ano.Ɛkwan bi so no, yɛnni adanseɛ biara a ɛkyerɛ sɛ H2 antagonist tumi sɔ yafunu mu mogyatuo ano ma wɔn a wɔfa NSAIDS no.[16]Ɛwɔ mu misoprostol tumi boa si yamkuro ano,Wɔn a wɔwɔ cardiovascular risk a ɛwɔ soro no, naproxen a ɛwɔ PPI no hia pa ara. Ɛnte saa nso a, wobɛtumi de nnuro bi te sɛ aspirin, celecoxib, ne PPI kakra adi dwuma.
John Lykoudis, a ɔyɛ nhwehwɛmu fa nnwuma titire ho wɔ Greeceman mu no, de nnuro binom saa nnipa a ɔwɔ yamkuro yareɛ wɔ afe apem ahankron aduonum nwɔtwe(1958) mu, na ɛkyɛreeɛ pa ara ansa na wɔrehunu sɛ ɛyɛ mmoawa yi na ɛde ba.[17]
Ɛyɛ Robin Warren ne Barry J. Marshall a wɔyɛ abɔdeɛ mu nyansapɛfoɔ a wɔfiri Astraliaman mu hunu Helicobacter pylori sɛ ɛno ne adeɛ titire a ɛde ayamkuro ba, wɔ afe apem ahankron aduonwɔtwe mmienu(1982)mu. Wɔ wɔn krataa ankasa a wɔtwerɛeɛ no, Warren ne Marshall sii so dua sɛ yamkuro dodoɔ no ara no, ɛyɛ mmoawa yi na ɛde ba, na mmom no ɛnyɛ ɔbrɛ anaa sɛ nnuane binom a mfemfem nneɛma wɔ mu pii no na ɛde yamkuro ba, sɛdeɛ yɛsusu sɛ ɛteɛ no.[18]
Ɛyɛ Sonnenberg, wɔ n'adesua mu no, ka sii no pi sɛ,ɛyɛ akwan ahodoɔ a wɔfa so de si yamkuro ano no, "sɛ wonom nsaden kakra a, ɛno nso tumi boa kum yamkuro".
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.