From Wikipedia, the free encyclopedia
Wɔwoo Samuel Ofosu-Ampofo Ɔbɛnem da a ɛtɔ so du, afe apem, ahankron ne aduosia-mmeinu no mu. Ɔyɛ mmarahyɛbadwani dada. Ɔsane yɛ District Chief Executive ma Fateakwa Atifi fam wɔ Ghana Atɔeɛ mantam mu.[1][2] Ɔsane yɛ ɔsoafoɔ dada wɔ Atɔeɛ mantam mu na na ɔyɛ National Organizer ma National Democratic Congress amanyɔkuo no.[3][4][5] Ampofo sane yɛ ɔsoafoa dada a na ɔhwɛ aban ne ɔmanfoɔ ntam nkitahodie ne nkuro mpuntuo so.[6][7] Seesei, ɔne titenani ma National Democratic Congress (NDC) amanyɔkuo no wɔ ɔman yi mu.[8][9][10]
Samuel Ofosu-Ampofo | |
---|---|
Minister for Local Government and Rural Development | |
Bere 2011–2013 | |
Ɔmanpanyin | John Atta Mills |
Odikanfo | Joseph Yieleh Chireh |
Eastern Regional Minister | |
Bere 2009–2011 | |
Ɔmanpanyin | John Atta Mills |
Odikanfo | Kwadwo Afram Asiedu |
Ananmusini | Dr Kwasi Appiah-Kubi |
Mmrahyɛbadwani ɛwɔ Fanteakwa North | |
Bere 1996–2004 | |
Ananmusini | Kwadjo Agyei Addo |
Ne ho asɛm | |
Awo bere | 10 March 1962 |
Ne man | Ghana |
Amanyɔkuo | National Democratic Congress |
Nehokani | Joyce Ofosu-Ampofo |
Mma | Obed Ofosu-Ampofo, Steve Ofosu-Ampofo, Aaron Ofosu-Ampofo, Samuel Ofosu-Ampofo, Ebenezer Ofosu-Ampofo, Vivian Ofosu-Ampofo |
Sukuu a w'akɔ | Ghana Institute of Management & Public Administration (GIMPA) |
N'adwuma | Mechanical Engineer |
Wɔwoo Ampofo wɔ Kyebi.[11] Ɔhyɛɛ ne sukuu ase wɔ Asamankese, Anum L/A Middle School firii afe apem, ahankron ne aduoson-nsia kɔsii afe apem ahankron ne aduoson-nkron. Afei, ɔtoaa so kɔɔ ntoasoɔ sukuu wɔ Akwatia Technical Institute firii afe apem ahankron ne aduoson-nkron kɔsii afe apem ahankron ne aduowɔtwe-mmienu. Ɔfiri hɔ no, ɔkɔsuaa Post Graduate Certificate in Public Administration wɔ Ghana Institute of Management & Public Administration (GIMPA) ne Haggai Institute a ɛwɔ Hawaii Islands.
Ɔsane nso toaa so kɔɔ University of Education, Winneba a ɛwɔ Kumase no kɔsuaa adeɛ akwamma biara firii afe apem ahankron ne aduokron-baako kɔsii afe apem ahankron ne aduokron-mmiɛnsa. Ampofo sane kɔɔ University of Mines and Technology(UMAT) a ɛwɔ Tarkwa kɔgyee nteteɛ nyaa abodin mechanical engineering wɔ afe apem ahankron ne aduowtwe-mmiɛnsa mu kɔsii afe apem ahankron ne aduowɔtwe-num no mu. Ɔsane nso yɛ osuani dada wɔ USA-Specialized Studies in Advanced Leadership wɔ afe apem ahankron ne aduokron-nwɔtwe afe no mu.[7]
Ampofo ka mmarahyɛbadwa a ɛtɔ so mmienu ne mmiɛnsa wɔ Ghana Repɔblik a ɛtɔ so nan no ho. Ɔsane yɛ amanyɔni a ɔwɔ National Democratic Congress amanyɔkuo no mu.[12] N'adwuma sɛ amanyɔni no hyɛɛ aseɛ berɛ a ɔmampanin Jerry John Rawlings yii no sɛ District Chief Executive firi afe apem, ahankron ne aduokron-nan kɔsii afe apem, ahankron ne aduokron-nsia no mu.[13][14]
Afe apem, ahankron ne aduokron-nsia ɔman abatoɔ no mu no, Ɔperee adwa sɛ mmarahyɛbadwani wɔ Fanteakwa Atifi abato mpasua no mu wɔ Ghana Atɔeɛ mantam mu. Ɔnyaa mma dodoɔ a wɔtoeɛ no mu mpem aduonu-baako, ahanu ne aduowɔtwe-nan wɔ saa afe abotoɔ no mu de dii nkunim.[15][16] Ɔsane tenaa adwa no sɛ mmarahyɛbadwani berɛ ɔdii nkunim wɔ mfeɛ mpenu ne nwɔtwe abatoɔ no mu no. Ɔnyaa mma a wɔtoeɛ no mu mpem dunum, ahanan aduowɔtwe-nson a ɛyɛ ɔha mu kyɛmu aduanan-nkron akyiri pɔ aduoson.[17]
Ɔsane peree adwa korɔ no ara wɔ mfeɛ mpenu ne nan ɔman abatoɔ no mu nanso saa berɛ yi deɛ, ɔdii ntwo maa Kwadjo Agyei Addo a na ɔgyina New Patriotic Party amanyɔkuo no anan mu no dii nkunim.[18] Mfeɛ mpenu ne nwɔtwe ɔman abatoɔ no mu no, ɔsane bɛgyinaa sɛ mmarahyɛbadwani peree adwa kroɔ no ara bio, nanso ɔsane dii ntwo maa Kwabena Amankwa Asiamah a na ɔgyina New Patriotic Party amanyɔkuo no anan mu no dii nkunim.[19]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.