From Wikipedia, the free encyclopedia
Lazarus McCarthy Chakwera (wakababika pa 5 Epulero 1955) ni nkhwantha ya vya cisopa na ndyali wa ku Malawi uyo wakuteŵetera nga ni purezidenti wa Malawi kwamba pa Juni 2020.Ŵakamulongosolera kuti wakaŵa "wakutemweka comene ku Ŵakatolika ŵa ku Britain".[1] Wakugwiraso nchito nga ni Minister of Defence ku malawi.[2]Wakaŵa purezidenti wa Malawi Assemblies of God kufuma 1989 mpaka 2013.
| Lazarus Chakwera | |
|---|---|
| |
| Chakwera mu 2020 | |
| Mlongozgi wa Malaŵi wa nambala 6 | |
| Udindo wasono | |
| Nyengo: 28 June 2020 | |
| Wachiŵili kwa mlongozgi | Saulos Chilima |
| Kupokela | Peter Mutharika |
| Nduna ya Chitetezo | |
| Udindo wasono | |
| Nyengo: 28 June 2020 | |
| Deputy | Jean Munaowauza Sendeza |
| Kupokela | Peter Mutharika |
| Mlala wa chipani chakususka | |
| Nyengo: May 2014 – February 2019 | |
| Kupokela | John Tembo |
| Kuwiska na | Lobin Lowe |
| Member of Parliament from Lilongwe North West | |
| Nyengo: May 2014 – May 2019 | |
| Umoyo wamunthu | |
| Kubabika | Lazarus McCarthy Chakwera 5 April 1955 Lilongwe, Federation of Rhodesia and Nyasaland (now Malawi) |
| Chipani | Malawi Congress Party |
| Nthengwa | Monica Chakwera (m. 1977) |
| Ŵana | 4 |
| Sukulu | University of Malawi University of the North University of South Africa Trinity International University |
Chakwera wakaŵa mulongozgi wa chipani chakususka mu chalo ichi pamanyuma pa mavoti agho ghakachitika pa 21 May 2019 ndipo khoti la constitutional court likagwiliska ntchito yayi.[3] Wakimikika kuŵa mulaŵiliri wa SADC pa 17 Ogasiti pa ungano wa pa caka wa 41 wa SADC uwo ukacitika pa 9 Ogasiti mpaka 19 Ogasiti mu Lilongwe, Malawi.
Lazarus Chakwera wakababikira mu Lilongwe, msumba ukuru wa Malawi, pa Epulero 5, 1955, apo charu ichi chikaŵa pasi pa muwuso wa Britain.[4] Adada ŵake ŵakaŵa ŵasambizgi ŵa ku pulayimale ndipo ŵakateŵeteranga mu famu.[5]Wakatorana na Monica Chakwera pa Okutobala 8, 1977, ndipo ŵali na ŵana ŵanayi (mwana mwanalume na ŵana ŵanakazi ŵatatu).[6]
Chakwera wakamalizga masambiro ghake pa University of Malawi mu 1977. Wakasambira vya cisopa ndipo wakapokera digirii yakufuma ku University of the North mu South Africa ndipo wakapokera digirii ya masters (MTh) ku University of South Africa mu 1991.[6] Yunivesite ya Trinity International ku United States yikamupa digiri ya ucimi (D. Min) mu 2000. Mu 2005, wakazgoka pulofesa pa sukulu yakuchemeka Pan-African Theological Seminary.[4]
Wakagwiranga nchito nga ni msambizgi pa Sukulu ya vya cisopa ya Assemblies of God kufuma mu 1983 m'paka mu 2000 uko wakazgoka Mulara mu 1996. Wakaŵa mulara wa sukulu iyi na kusambizga pa sukulu ya All Nations Theological Seminary. Kufuma mu 1989 kufika mu 2013 wakalaŵiliranga Malawi Assemblies of God.[7] Pa 14 April 2013 wakadandawura apo wakapharazga khumbo lake lakwimilira pa chiphikiro cha Malawi Congress Party (MCP) pakuŵa purezidenti uku wakukhalilira mu Assembly of God Presidency.[8]
Mphekesera zakukhumba kwa Chakwera kuphalizgana pa mpikisano wa purezidenti wa MCP zidayamba kuwoneka pa intaneti pa 9 April 2013.[9] Iwo ŵakakhorwa pa 14 Epulero 2013. Chakwera pamasinda wakapeleka vikalata vyake apo wakaŵa wa Malawi Assemblies of God. Ungano wa MCP uwo ukeneranga kucitika pa 27 Epulero 2013 ukasinthika pa 10 na 11 Ogasiti uko wakasankhika kuŵa purezidenti wa MCP ndipo wakayimilira chipani mu viwoneskelo vya 2014. Pa nyengo ya mavoti gha Malawi mu chaka cha 2014, mphekesera zikayowoyeka mu malo ghakupambanapambana kuti mavoti agha ghakaŵa ghakubudika. Chakwera wakaphalira ŵanthu wose ŵa ku Malawi kuti ŵalutilire kuŵa na mtende, kuzomera ivyo vyachitika, na kulindilira mavoti ghakulondezgapo. Padera pakuŵa mulongozgi wa chipani chakususka, iyo wakaŵaso wa mphala ya malango ya Lilongwe North West Constituency.
Chakwera wakapharazga kuti wafumengepo pa udindo wa Mulongozgi wa Malawian Assemblies of God, kwambira pa 14 May 2013.[10] Iyo wakati ivi vimovwirenge kuti waŵikengepo mtima comene pa ndyali, cifukwa wakawonanga kuti wachali kuteŵetera Ciuta mu malo ghanyake. Chakwera wakakolerana na mulongozgi wa UTM Saulos Chilima na maboma ghanyake ghanandi kuti wapange 'Tonse Alliance' pakunozgekera mavoti gha Malawi mu Juni 2020. Ivi vikachitika apo khoti likakana mavoti gha 2019 chifukwa cha viheni vikuru ivyo vikachitika apo DPP yikati yapambana.
Chakwera wakathereska pulezidenti Peter Mutharika pa chisankho cha 2020, ndipo wakapokera mavoti pafupifupi 59%. Chakwera wakalapizga kuŵa purezidenti wa 6 wa Malawi pa 28 Juni. Pa nyengo iyi, Malaŵi yikaŵa chalo chakwamba mu Africa kuti mavoti gha pa chisankho ghaleke kugwira ntchito chifukwa cha vinthu vyambura kwenelera ndipo mulongozgi wa chipani cha opposition ndiyo wakathereska. Khoti Likuru la ku Kenya ndilo likakanizga chisankho ichi mu 2017, kweni mulongozgi wa chipani cha opposition ndiyo wakatonda..[1]
.jpg)
Chakwera wakati wasankhika kuŵa purezidenti, ŵakamususka cifukwa ca kusankha ŵanthu ŵa mu mbumba yake kuti ŵaŵe mu nduna. Boma la Chakwera la mamembala 31 ilo likapharazgika pamanyuma pa kujura ofesi ili likaŵa na mamembala 6. Mo Sidik Mia, uyo wakaŵa mulwani wa Chakwera mu 2019, wakasankhika kuŵa Minister of Transport and Public Works ndipo muwoli wake Abida Mia wakazgoka Deputy Minister of Lands.[11] Kenny Kandodo na mudumbu wake Khumbize Kandodo wose ŵakaŵa na maudindo gha nduna, yumoza wakaŵa nduna ya vya ntchito apo munyake nduna ya vyaumoyo. Mwachiwonekere, Gospel Kazako wakazgoka Minister of Information apo mkamwana wake Nkhuso Nkhuma wakazgoka Deputy Minister of Agriculture. Ŵalaraŵalara ŵa boma ŵakujumpha 70 peresenti ŵakafuma ku chigaŵa chapakati cha Malawi, uko Chakwera wakukhala. Chakwera wakavikilira vyeruzgo vyake, wakati wazgorenge ivyo vikukhwaska ma appointments.[12]
Ŵanthu awo ŵakukhumba kuti ŵanalume na ŵanakazi ŵaŵe ŵakukolerana ŵakachitiska viphikiro mu Okutobala 2020 kuti ŵakane ivyo Chakwera wakachita. Ŵakuvikilira banthu ŵara ŵakasuska President Chakwera kuti wakuyuyura dango la Malawi la gender equality Act ilo likuti ŵanakazi ŵakwenera kuŵa na maudindo ghakukwana 40 peresenti. Ŵakuchita chiphokoso ŵadandawura na purezidenti chifukwa cha kusankhana pakati pa ŵanalume na ŵanakazi mu maudindo ghake.[13][14][15] Mulandu uwu uchali ku khoti.
Chakwera wati wakugwira ntchito yakuchepeska mazaza gha boma kuti ma purezidenti ghaŵe na udindo ku ŵanthu na kusazgirako mazaza gha maboma ghanyake.[16]
Lazarus Chakwera wakasankhika na vyaru vya SADC kuŵa Mulara wa gulu ili. Pasono ni purezidenti wa SADC uyo wakatora udindo uwu kufuma kwa uyo wakadangira, purezidenti wa Mozambique Filipe Nyusi mu Ogasiti 2021.[17]
Chakwera wakususkika cifukwa ca kwimika mwana wake mwanakazi na nyinavyara wa muwusi Saulos Chilima pa maudindo gha boma. Pulezidenti wakimika mwana wake mwanakazi Violet Chakwera kuŵa mulembi wa vyaru vinyake ku Brussels na ku EU. Ndipouli, pulezidenti wakakanaso mauthenga agha kuti ngawakawaka ndipo wakayowoyapo pa nkhani ya BBC apo wakaluta ku UK mu 2021. Malipoti gha mu manyuzipepara ghakulongora kuti mwana wake msungwana walije maluso gha nchito iyi, cifukwa wali kusambira ku yunivesite yinyake.[18][19][20]
.jpg)
Pulezidenti Chakwera wali na ubwezi wakukhora na Prime Minister wa ku Britain Boris Johnson, wakuyowoya kuti ubwezi wawo "nwakuzirwa". Prime Minister Boris Johnson wakalongosora chigomezgo cha ubali wa nyengo yitali pakati pa UK na Malawi uwo ukuyowoya chomene za kukhozga ma green technologies mu Malawi, ndipo muyowoyeri wa boma la Malawi na Minister of Information, Gospel Kazako wakati Prime Minister Johnson na President Chakwera bakudumbiskana "vyakuchitika vyakupambanapambana vya chitukuko, malonda na ndalama, ivyo mpaka sono vyaŵa vyakukondweska chomene ndipo Malawi yikukhumba kupindula chomene". Pamanyuma pa chisankho cha 2021 ku Zambia apo Edgar Lungu wakataya ku Hakainde Hichilema ndipo wakazomera ivyo vikachitika, Pulezidenti Chakwea wakati: "Vinthu ivyo vikuchitika mu chigaŵa chithu mu vyaka vyasonosono apa vikulongora kuti pali mtende.[21]
Mu chiyankhulo na Zodiak Broadcasting Station, wayilesi ya ku Malawi, Chakwera wakati ŵanthu ndiwo ŵazamumusankha mu 2025, para Malawi wazakachita chisankho chakulondezgapo. Ndimo viliriso na mamembala ghanyake gha Malawi Congress Party agho ghakulongora kuti Chakwera wazamuyimilira mu 2025 chifukwa cha dango la chipani chake.[22]
Mu chiyankhulo na Zodiak Broadcasting Station, wayilesi ya ku Malawi, Chakwera wakati ŵanthu ndiwo ŵazamumusankha mu 2025, para Malawi wazakachita chisankho chakulondezgapo. Ndimo viliriso na mamembala ghanyake gha Malawi Congress Party agho ghakulongora kuti Chakwera wazamuyimilira mu 2025 chifukwa cha dango la chipani chake.[23][24] Chakwera wandayowoyepo mwakudunjika kuti wakukhumba kuwina pa manda ghaciŵiri.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
