Дмитрий Данилов

Дмитрий Данилович Данилов (1902 елның 6 ноябре, Яншихово-Норваши авылы - 1966 елның 28 апреле, Мәскәү) - чуаш совет язучысы, театр һәм җәмәгать эшлеклесе.

Дмитрий Данилов
Туган	6 ноябрь 1902(1902-11-06) яки 6 (19) ноябрь 1902[1] Яншык-Нарваш, Янтык районы, Чуаш Автономияле Совет Социалистик Республикасы, РСФСР
Үлгән	28 апрель 1966(1966-04-28)[1] (63 яшь) Мәскәү, СССР
Ватандашлыгы	СССР
Әлма-матер	Кызыл профессура институты[d]
Һөнәре	язучы, тарихчы, әдәби тәнкыйтьче
Эш бирүче	Россия театр сәнгате университеты — ГИТИС[d]
Сәяси фирка	Советлар Берлеге коммунистик фиркасе

Википедиядә Данилов фамилияле башка кешеләр турында мәкаләләр дә бар.

Биографиясе

Дмитрий Данилов ярлы крестьян гаиләсендә туа. 1917 елда ике класслы училищены тәмамлаганнан соң башлангыч сыйныфлар укытучысы булып эшли.

1927 елда Д.Данилов Казанда Көнчыгыш-педагогика институтын тәмамлый һәм Казан чуаш педагогика техникумында рус һәм чуаш телләре укытучысы була. Шул ук вакытта ул Пролетар язучыларының татар ассоциациясе каршындагы чуаш секциясен җитәкли.

1934 елда Мәскәү Кызыл профессура институтын тәмамлый һәм «Кызыл Чувашия» газетасы мөхәррире була. 1936 елда Чуашстан язучылар берлеге идарәсе рәисе итеп сайлана. Бер елдан Чуаш Республикасы Совнаркомы каршындагы Чуаш фәнни-тикшеренү институтына эшкә күчә. 1938 елдан 1940 елга кадәр партиянең Чуваш Өлкә Комитеты партия белем бирү йортының агымдагы сәясәт секторы, «Кызыл Чуашия» газетасының пропаганда бүлеге мөдире.

1940 елдан башлап, тормыш ахырына кадәр Д.Данилов ГИТИСта — проректор, мөдир, чуаш театр студияләренең өлкән укытучысы булып эшли. Аның катнашында институтта ике тапкыр (1947 һәм 1961 елларда) Чуаш артистлары Төркеме чыгарылышы була.

Д.Даниловның әдәби эшчәнлеге 1932 елда «Марксист-Ленин сәнгать белеме» журналында «Чуваш әдәбиятында класслы көрәш» дигән күзәтү мәкаләсен бастырудан башлана. Соңыннан аларга чуаш театры һәм милли сынлы сәнгать турында мәкаләләр языла. Д.Данилов чуаш әдәбияты тарихына зур игътибар бирә. Ул чуаш язучыларының иҗатына багышланган дистәләгән мәкаләләр язган. Аның М.Сеспель иҗаты белән бәйле мәкаләләре сериясе билгеле.

БКП(б) әгъзасы (1927 елдан), СССР Язучылар берлеге (1939 елдан).

Чыганаклар

• Чувашская энциклопедия : в 4 т. / Гл. ред. Ю. Н. Исаев. — Чувашское книжн. изд-во, 2011. — Т. 4 : Си — Я. — 797, [2 с. : ил. — 5000 экз. — ISBN 978-5-7670-1931-1.]

Искәрмәләр

1. Исаев Ю. Н. Чувашская энциклопедия — Чувашское книжное издательство, 2006. — 2567 бит — ISBN 978-5-7670-1471-2

   https://wikidata.org/wiki/Track:P10596https://wikidata.org/wiki/Track:P10597https://wikidata.org/wiki/Track:Q4517503https://wikidata.org/wiki/Track:Q22918706https://wikidata.org/wiki/Track:P10598https://wikidata.org/wiki/Track:Q19909792