From Wikipedia, the free encyclopedia
Erix Mariä Remark (almança Erich Maria Remarque, tumışta Erich Paul Remark; 1898 - 1970) - Almaniä mäşhür yazuçısı, XX ğasırdağı iñ uqıla torğan ädiplärneñ berse.
Anıñ iñ tanılğan äsärläre: "Könbatış frontta üzgäreşsez" (Im Westen nichts Neues) (1929), "Öç iptäş" (Drei Kameraden) (1936), "Tantanalı arka" (Arc de Triomphe) (1945), "Qara häykäl" (Der schwarze Obelisk) (1956).
Remark 1898 yılda Almaniäneñ Osnabrük şähärendä, kitap töpläwçe ğailäsendä dönyağa kilä.
Yäşlek çaqta Stefan Tsveyg, Tomas Mann, Dostoyevskiy, Prust, Göte icadı belän mawığa.
1904 yılda çirkäw mäktäbenä, 1915 yılda katolik uqıtuçılar seminariäsenä kerä.
1916 yılda ğäskärgä çaqırıla. 1917 yılda Könbatış frontqa cibärelä.
1917 yılnıñ 31 iyülendä sul ayqqa, uñ qulğa häm muyınğa yaralana, suğış qalğan waqıtı Almaniädä, xärbi xastaxanäsendä yata.
1918 yılda änise ülgännän soñ, isemneñ öleşe anıñ xörmätenä üzgärtä - Mariä.
1919 yıldan törle xezmätlärdä eşli.
1921 yıldan Echo Continental jurnalınıñ möxärrire bulıp eşli.
1929 yılda "Könbatış frontta üzgäreşsez" mäşhür äsären yaza.
1933 yılda Almaniädä xäkimiättä kilgän natsi köçläre Remark äsärlären tıya häm yandıralar. Natsi Almaniädä kitaplarnı yandıru çaralarınnan soñ Remark Eswiçrägä kitä.
Natsi köçläre Remarkka qarşı pıçıratu çaraların başlıy: anı yähüd, qurqaq, xiänätçe dip atıylar.
Anıñ apası Elfrida Şolts 1943 yılda natsilär tarafınnan qulğa alına, Hitler häm suğışqa qarşı äytkän süzlär öçen üterelä (başı kiselä). Faşişt xökemdarı: "Qızğanıçqa qarşı enegez bezdän qaçqan, läkin sez qotılmassız" - dip, ülemgä xökem itä. Natsi ütergän apası xörmätenä Remark "Tormış çatqısı" digän äsärne bağışlıy.
1937 yılda Marlen Ditrix belän tanışa.
1939 yılda AQŞqa kitä, 1947 yılda AQŞ watandaşlığın ala.
1970 yılda Eswiçrädä, Lokarno şähärendä wafat bula.
Remark "Yuğalğan buın" yazuçılarına qarıy.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.