From Wikipedia, the free encyclopedia
Ukraina bötenlege xaqında BMO Ğomumi Mäcleseneñ 68/262 qararı (rezolütsiäse) (inglizçä United Nations General Assembly Resolution 68/262) — 2014 yılnıñ 27 martında BMO Ğomumi Mäcleseneñ 68-nçe ssessiäse 80-nçe utırışında açıq tawış birü näticäsendä qabul itelgän qarar.
Qarar buyınça BMO Ğomumi Mäclese Ukrainanıñ xalıqara tanılğan çıklärendä territorial' bötenlegen häm möstaqillegen qabattan raslıy häm Qırımnıñ häm Aqyar şähäreneñ statusı üzgäreşe qanunlığın tanımıy.
BMO 193 äğzasınnan 100 - "Riza", 11 - "Qarşı", 58 - "tawış birmi qalğan", 24 il tawış birüdä qatnaşmağan.
BMO İminlek Şurasınıñ qararlarınnan ayırmalı bularaq BMO Ğomumi Assambleyäse qararları mäcbüri köçkä iä bulmıy häm tik täqdim bularaq qarala.
Qararnı yaqlağannar arasında - NATO illäre, anıñ berektäşläre, Tunis, Kamerun, Qatar, Soğud Ğäräbstanı, Singapur, Çili häm elekke ingliz-fransuz koloniäläre.
Qararğa qarşı bulğan illär arasında Armeniä, Belorussiä, Boliviä, Venesuela, Zimbabwe, KXDC, Kuba, Nikaragua, Räsäy, Süriä, Sudan.
Tawış birmi qalğan illär arasında Älcäzäir, Äfğänstan, Bräzil, Misır, Hindstan, Ğiraq, Qazaqstan, Qıtay, Pakstan, Mongoliä, Urugvay, Üzbäkstan, İkwadur, Xäbäşstan, Könyaq Afrika Cömhüriäte h.b.
Tawış birüdä qatnaşmağan illär arasında Kongo Cömhüriäte, İran, İsrail, Qırğızstan, Löbnan, Marokko, Serbiä, Tacikstan, Törekmänstan, Berläşkän Ğäräp Ämirlekläre, Yämän h.b.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
