Фәридә Харрасова

Фәридә Харрасова, Фәридә Заһир кызы Харрасова (1971 елның 27 декабре, СССР, РСФСР, Татарстан АССР, Казан) – рәссам-иллюстратор, «Идел» (1992―2000), «Татарстан» (2003―2009) журналларының баш рәссамы.

Фәридә Харрасова
Туган телдә исем	Фәридә Заһир кызы Харрасова
Туган	27 декабрь 1971(1971-12-27) (52 яшь) СССР, РСФСР, ТАССР, Казан
Яшәгән урын	Хөсәен Ямашев проспекты[1]
Милләт	татар
Ватандашлыгы	СССР → РФ
Әлма-матер	Казан сынлы сәнгать укуханәсе
Һөнәре	рәссам-иллюстратор
Җефет	Ләис Зөлкарнәй
Балалар	уллары Сөләйман, Йосыф, Даут, кызы Мәрьям
Сайт	Farida Kharrasova
Фәридә Харрасова Викиҗыентыкта

Википедиядә Харрасова фамилияле башка кешеләр турында мәкаләләр дә бар.

Тәрҗемәи хәле

1971 елның 27 декабрендә Казанда туган. Әнисе – табибә, кызын ялгызы тәрбияләп аякка бастыра. Әби-бабасының авылы – Бөгелмә районы Димескәй авылы. Бабасы Халит Нәгыймуллин, сугыш ветераны, колхоз рәисе булган. Фәридәнең балалар бакчасыннан ук рәсем ясарга һәвәслеге була. Әкиятләр укырга, аларның рәсемнәрен карарга ярата. Физика-математика юнәлешендәге мәктәп белән беррәттән, сәнгать мәктәбен, 1993 елда Н. И. Фешин исемендәге Казан сәнгать училищесының театр-декорация бүлеген тәмамлый, квалификациясе – рәссам-декоратор. Икенче курста укыган вакытта ук «Ялкын», «Идел» журналларында иллюстратор буларак эшләгән. Дүртенче курста, «Идел» журналына баш рәссам итеп чакыралар, 1992-2000 елларда «Идел» журналында баш рәссам була. 2003-2009 елларда «Татарстан» журналында баш рәссам вазифасын башкара. 2000-2002 елларда «Оазис» журналында рәссам-дизайнер була. 2007-2011 елларда «АртЭко» галереясында ефәктә рәсем ясау укытучысы.

Иҗаты

Төп илһам чыганагы – табигать. Салкын төсләрне (зәңгәр, шәмәхә) ныграк үз итә. Ефәктә (батикта) ясалган картиналар – иҗатында төп юнәлешнең берсе^[2]. Башта картиналар ясый, яулык-шәлләргә бизәкләр сала, аннан соң зур тукымаларда эшләргә керешә. Соңгы елларда күбрәк рәссам-иллюстратор буларак эшли, Татарстан китап нәшрияты белән хезмәттәшлек итә. График-рәссам буларак, күп кенә китапларны бизәгән. Соңгы эшләренең берсе – Шәүкәт Галиевның балалар өчен шигырьләр китабын бизәгән. Шагыйрь Ләис Зөлкарнәй китапларын да бизәгән.

Атнасына өч тапкыр үзенең студиясендә дәресләр үткәрә^[3].

Күргәзмәләре

Казанда ике шәхси күргәзмәсе узган. Җәйге Универсиада вакытында (2013), Мәдәни Универсиада кысаларында, Казан кремленың Ислам мәдәнияте музеенда заманча батикта татар орнаменты темасына «Көмеш болын» (рус. Шелковый ветер в серебряных лугах) дип аталган күргәзмәсе эшләгән^[4] Анда рәссамның ефәктән эшләнгән әйберләре тәкъдим ителгән^[5].

2014 елда Ә. Мәҗитовның сәнгать галереясында шагыйрь Ләис Зөлкарнәй шигырьләре буенча әзерләнгән «Мәңгелектә исә җил» (рус. Ветер вечности) дип аталаган күргәзмәсе уза^[6].

Күп иҗат эшләре шәхси кулларда, шәхси тупланмаларда саклана^[7].

Гаиләсе

Ире – шагыйрь Ләис Зөлкарнәй (Ләис Мәүлит улы Харрасов, 1962 елгы). «Ялкын» журналында бергә эшләгәндә танышканнар. Олы уллары Сөләйман (28 яшьтә), кызлары Мәрьям, уллары Йосыф, Даут.

Искәрмәләр

1. бирелмәләр нигезе

   https://wikidata.org/wiki/Track:Q8513https://wikidata.org/wiki/Track:Q1630548https://wikidata.org/wiki/Track:P9073
2. Татарский орнамент в современном батике. ИА «Инфо-Ислам», 04.07.2013
3. Репетитор Харрасова Фарида Загировна (рисование)(үле сылтама)
4. В Музее исламской культуры открылась выставка росписи по шелку. 2022 елның 19 август көнендә архивланган. Министерство спорта Республики Татарстан
5. Александра Дашина. Шелковый ветер в серебряных лугах. 2022 елның 19 август көнендә архивланган. «Республика Татарстан», 09.07.2013
6. Фарида Харрасова: «Ветер вечности». Art16.ru
7. Фарида Харрасова

Әдәбият

• Таңсылу Габидуллина. Шагыйрь һәм рәссамның бәхетле дуэты. «Гаилә һәм мәктәп», 2022 ел, август, 2-5нче бит.

Сылтамалар

• Фәридә Харрасова