Алсу Шакирова

Алсу Шакирова, Кашапова Алсу Ринат кызы (1986 елның 23 гыйнвары, СССР, РСФСР, ТАССР, Казан) — драма актрисасы, Габдулла Кариев исемендәге Казан Татар дәүләт яшь тамашачы театры артисты (2007 елдан), Татарстан Республикасы Театр әһелләре берлеге әгъзасы.^[1] Татарстанның атказанган артисты (2023).

Алсу Шакирова
Туганда бирелгән исеме:	Кашапова Алсу Ринат кызы
Туу датасы:	23 гыйнвар 1986(1986-01-23) (38 яшь)
Туу җире:	СССР, РСФСР, ТАССР, Казан
Һөнәре:	драма актрисасы
Гражданлыгы:	ССРБ ССРБ→ РФ
Активлык еллары:	2003 — х. в.
Бүләк һәм премияләр:	"Мәдәнияттәге казанышлары өчен" Татарстан Республикасы Мәдәният министрлыгының күкрәк билгесе

Тәрҗемәи хәле

Алсу Шакирова кечкенә чагында гаиләсе белән

Алсу Шакирова сәхнәдә

Алсу Шакирова уллары белән

1986 елның 23 гыйнварында Татарстанның Казан шәһәрендә туа. Әтисе - Ринат исемле, 2016 елның 21 сентябрендә вафат. Әнисе - Мәрзия. Кече сеңлесе Лилия бар (04.12). 1993 елда мәктәпкә укырга керә. 2003 елда Казан шәһәренең 18нче санлы гимназиясен тәмамлый һәм Казан дәүләт мәдәният институты театраль факультетының режиссура һәм актерлык осталыгы кафедрасына актер белгечлегенә укырга керә. Аны 2007 елда тәмамлый һәм Габдулла Кариев исемендәге Казан Татар дәүләт яшь тамашачы театрында эшли башлый.^[1][2][3]

Татарстан Республикасы Театр әһелләре берлеге әгъзасы булып тора.

Театр

2007 елның августында Габдулла Кариев исемендәге Казан Татар дәүләт яшь тамашачы театры коллективына кушыла. Әмма театрдагы эшчәнлеген күпкә иртәрәк, институтта укыганда ук күмәк күренешләрдәге чыгышлары белән башлап җибәрә. Беренче роле Аманулланың "Светофорда кунакта" спектаклендәге Наян һәм Убырлы образлары була. Тамашачыга күбрәк К. Кәримовның “Шәй-бу! Шай-бу!” спектаклендәге Гөлчәчәк роле буенча таныш.

Репертуар

Репертуарында 40ка якын роле бар.

• Наян, Убырлы – "Светофорда кунакта" (Аманулла, 2002);
• Шүрәле – «Тапкыр егет» (Д.Аппакова, 2003);
• Ятимә бүре – "Алмачуар" (Фәнәвил Галиев, 2004);
• Пудель – «Иске курчакларда Яңа ел" (Рәдиф Сәгъди, 2004);
• Зөлкагыйдә –"Кыю кызлар" (Таҗи Гыйззәт, 2004);
• Сак – "Сак-Сок" (Рабит Батулла, 2004);
• Муйнак – "Гашыйк буласым килә" (Туфан Миңнуллин, 2005);
• Авыл кызы – "Сержант" (Искәндәр Сираҗи, 2005);
• Су анасы, Фәрештә – «Печән базары» (Ренат Әюпов, 2006);
• Зәринә – «Амазонка һәм Айдар» (Илгиз Зәйниев, 2006);
• Хезмәтче – «Король Лир» (Уильям Шекспир, 2006);
• Кыз – "Серле балдак маҗаралары" (М.Закирова, 2006);
• Актәпи – "Урман клаб" (Илгиз Зәйниев, 2007);
• Фатыйма, Динара, Чегән, Бәрән – «Алхимик» (П.Коэльо, 2007);
• Ак бүре – «Йосыф-Зөләйха» (Кол Гали, 2007);
• 1 нче Бәти – «Бүре һәм Кәҗә» (Рәфис Корбан, 2008);
• Тиен - "Кышкы әкият" (Шамил Фәрхетдинов, 2008);
• Руфинә – «Ничек миллионер булырга?» (Мансур Гыйләҗев, 2009);
• Сәгыйдә, Нәгыймә – «Галиябану» (Мирхәйдәр Фәйзи, 2009);
• Юлбасар – "Кар иле патшабикәсе" (Фәнәвил Галиев, 2009);
• Мырау – «Ак барс маҗаралары» (Хабибулла Ибраһим, 2011);
• Түләнтәй, Куян – "Керпе малае дуслар эзли" (Рәфис Корбан, 2011);
• Укытучы – "Умырзая" (Ренат Харис, 2011);
• Айдар – «Super светофор» (Аманулла, 2013);
• Халык – "Артист" (Ркаил Зәйдулла, 2016);
• Маймыл – "Убыр-шоу" (З.Хөснуллина, 2017)
• Курчак Джулия – «Куян Эдвардның гаҗәеп сәяхәте" (Кейт диКамилло, тәрҗ. һәм инс. Наилә Кәримова);
• Тарантулла – "Ут чәчәге" (Зиннур Хөснияр);
• Шәкерт – "Кәҗүл читек" (Гаяз Исхакый, инсценировка Н.Кәримова);
• Гөлчәчәк - "Шәй-бу! Шай-бу!" (К. Кәримов, 2019);
• Галия, Искәндәр - "Тапшырыл...ган хатлар" (Гадел Кутуй, Илгиз Зәйниев инсц.);
• 2 нче Вәзир, 2 нче Убырлы, Оркестр - "Хикмәт әкиятләре" (Н.Хикмет, 2020);
• Пират - "Питер Пэн" (Дж. М. Барри, Р. Нәҗмиев инсц.).
• Зөһрә - "Асылкош җыры" (Рүзәл Мөхәмметшин);
• Фру Лунден, Тукучы "Мио, минем Мио!" (А.Линдгрен, Наилә Кәримова тәрҗ., 2020);
• Мәрзия - "Ак чәчәкләр кебек..." (Ренат Әюпов, 2021);
• Камәр - "Сөннәтче бабай" (Ренат Әюпов, 2021);
• Елъязмачы - "Камыр батыр" (М.Горвиц, 2021);
• Кыз - "Алтынч[ае]ч" ( Р.Гарипова, Луиза Янсуар; 2022). һ.б.^[1]

Гаилә хәле

Ире - Рөстәм Шакиров (29.12.1981), тумышы белән Казаннан. Алар 2007 елның 27 октябрендә өйләнешәләр. 2010 елның 8 июлендә яшьләрнең Әмир исемле малайлары туа. 2013 елның 5 августында алар икенче мәртәбә ата-ана булалар: Рөстәм белән Алсуның Айдар исемле малайлары туа.^[2][3]

Бүләкләре, мактаулы исемнәре

• 2021 - "Мәдәнияттәге казанышлары өчен" Татарстан Республикасы Мәдәният министрлыгының күкрәк билгесе;^[1][4]
• Татарстан Республикасы Театр әһелләре берлеге әгъзасы.^[1]
• 2023 ― Татарстанның атказанган артисты^[5]

Искәрмәләр

1. http://karievteatr.ru/collective/shakirova_alsu_rinat
2. https://vk.com/alsushakir(үле+сылтама)
3. Алсу Шакирова (@alsoush_shakapi) • Фото и видео в Instagram
4. Яңа сезон ачылышында Кариев театры актрисалары «Мәдәнияттәге казанышлар өчен» күкрәк билгесе белән бүләкләнде.
5. Камилә Билалова. Кариев театрында 35нче юбилей сезоны ябылуга багышланган кичә узды. Татар-информ, 24.06.2023

Сылтамалар

• Алсу Шакирова - ВКонтакте(үле сылтама)
• Шакирова Алсу Ринат кызы Кариев театры сайты

Шулай ук карагыз

• Габдулла Кариев исемендәге Казан Татар дәүләт яшь тамашачы театры
• Энҗе Яруллина
• Диләрә Зиннәтова
• Әминә Галиева
• Алсинә Закирова
• Алсу Фәйзуллина
• Альбина Ногманова