![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3e/Einstein_1921_by_F_Schmutzer_-_restoration.jpg/640px-Einstein_1921_by_F_Schmutzer_-_restoration.jpg&w=640&q=50)
Phurofesa
From Wikipedia, the free encyclopedia
Phurofesa (ha kanyingi yi komisiwa ku va Prof.[1]) i xiyimo xa tidyondzo e yunivhesithi na tindzhawu ta vuleteri e matikweni yo tala. Vuhundzuluxeri byo kongoma bya riviti lerisukaka eka ririmi ra xilatini, "i munhu loyi a tiyisisaka vumbhoni" naswona a ri monhu loyi a ngana ntokoto eka tavutshila kumbe sayensi, thicara ya xiyimo xa le henhla.[1]
![Thumb image](http://upload.wikimedia.org/wikipedia/commons/thumb/3/3e/Einstein_1921_by_F_Schmutzer_-_restoration.jpg/640px-Einstein_1921_by_F_Schmutzer_-_restoration.jpg)
Eka swiyimo swa tindzhawu ta tidyondzo, riviti "phurofesa" ri hlamusela xiyimo xa le henhlahenhla xa vudyondzeki, lexi thlelaka xi tiveka tani hi "Phurofesa-nene".[2][3] E matikweni mambe riviti "phurofesa" rithlela ritirhisiwa ku eka swiyimo swa le hansi-nyana swa vudyondzeki ku fana na "Phurofesa ya madyondza" kumbe "hlantswa ya Phurofesa"; ngopfungopfu e tikweni ra Amerikha.[4] Matirhisele lama a ya pfumelelekanga e matikweni mambe.
Phurofesa u tala ku endla vulavisisi a thlela a letela machudeni eka tidyondzo ta vona. Eka ti yunivhesithi tin'wana tiphurofesa ti thlela ti pfuna machudeni na lawa ma endlaka vulavisisi leswaku ma hetisa switsalwana swa vona swo engetela. E tiyunivhesithi to tala tiphurofesa-nene ti tala ku rhangela tindzawulo kumbe swikolo swa vuleteri, swipani swa mindzavisiso na ku teka swiyimo swova nhloko ya yunivhesit kumbe xandla xa yona.[5] Tiphurofesa ti tala ku va erivaleni na swona ti languteriwa kuva varhangeri lava ngana ntokoto eka vutshila bya vona e tikweni kumbe e misaveni.[5]