From Wikipedia, the free encyclopedia
Maite Oroz Areta (yo o tshotsweng ka Mopitlo a le masome a matlhano ka 1998) ke motshameki wa kgwele ya dinao wa moSpanish yo o tshamekang fa gare mo setlhopheng sa Liga F sa Real Madrid le sa setshaba sa bomme sa Spain. O dirile tshameko ya gagwe ya ntlha ya setlhopha se segolo le Atlhetic Club ka 2015 mme a tswa koo ka 2020.
Motshameki wa kgwele ya dinao | ||||||||||||||||
---|---|---|---|---|---|---|---|---|---|---|---|---|---|---|---|---|
Leina ka botlalo | Maite Oroz Areta | |||||||||||||||
Letsatsi la tsalo | 25 March 1998 | |||||||||||||||
Lefelo la tsalo | Huarte, Spain | |||||||||||||||
Bolele | 1.56 m (5 ft 1 in)[1] | |||||||||||||||
Maemo | Midfielder | |||||||||||||||
Club information | ||||||||||||||||
Current team | Real Madrid | |||||||||||||||
Number | 8 | |||||||||||||||
Youth career | ||||||||||||||||
2004–2010 | Huarte | |||||||||||||||
2010–2013 | Osasuna | |||||||||||||||
Tiro ya gagwe* | ||||||||||||||||
Dingwaga | Setlhopha | Metsh | (Dinno) | |||||||||||||
2013–2014 | Osasuna | |||||||||||||||
2014–2015 | Athletic Club B | 23 | (10) | |||||||||||||
2015–2020 | Athletic Club | 107 | (8) | |||||||||||||
2020– | Real Madrid | 85 | (6) | |||||||||||||
Setlhopha sa setshaba‡ | ||||||||||||||||
2013[2][3] | Spain U16 | |||||||||||||||
2013–2015 | Spain U17 | 13 | (4) | |||||||||||||
2016–2017 | Spain U19 | 16 | (8) | |||||||||||||
2016–2018 | Spain U20 | 9 | (0) | |||||||||||||
2017–2020 | Basque Country | 2 | (0) | |||||||||||||
Honours
| ||||||||||||||||
*Metshameko ya gagwe le dinno, correct as of 19 May 2023 ‡ National team caps and goals, correct as of 29 September 2023 |
A tsholetswe kwa Huarte, Navarre, Oroz o simolotse go tshameka kgwele ya dinao le basimane kwa setlhopheng sa le gae sa CD Huarte go tswa a le dingwaga tse thataro,[4] a tsena mo tsamaisong ya bonana kwa Osasuna gaufinyana kwa Pamploma a le dingwaga tse lesome le bobedi. Go tswa kwa dingwageng tse di kwa tlase, o ne a tshwaiwa e le talente e e solofetsang go ya ka botsipa ja gagwe mo kgweleng, bokgoni ja go tlhama dilo le go itshepha.[4][5] O tshamekile kwa setlhopheng sa Osasuna se segolo setlha se le sengwe sa Segunda División pele ga letlhakore la bomme la setlhopha seo le phatlaladiwa ka 2014, se se dira gore a ye kwa Athletic Club.[6]
Go latela ngwaga a na le setlhopha sa B,[4] a dira tshameko ya gagwe ya ntlha le setlhopha se segolo ka Lwetse ka 2015 abo a nna motshameki wa nako le nako go tswa foo, a dira iponagatso tse masome a mararo mo setlheng sa Primera División sa 2015–16 se Athletic e ne ya fetsa e le ditshimega. O ne a tshameka abo a nosa mo UEFA Champions League ya 2016–17 e e neng e latela,[7] mme setlhopha se ne sa seke sa tsamaya go feta tikologo ya mantshano ya ntlha.
Ka Lwetse wa 2018, Oroz a bona kgobalo e e masisi, a thubega mosiha wa anterior cruciate mo lengoleng la gagwe la molema mo motshamekong wa liki kgatlhanong le Atlético Madrid[8] (nngwe ya dikgobalo tsedi bonweng ke batshameki ba Athletic ba ditlhopha ka go farologana mo nakong e khutshwane)[9] e e neng ya mo ntsha setlha sotlhe sa 2018–19 season.[10] Ene le motshameki ka ene le tsala Damaris Egurrola,[11] ba tsaya tshwetso ya go tlogela setlhopha fa tumalano ya gagwe e fela ka selemo sa 2020.[12] Ka Phukwi wa 2020, morago ga a setse a dumetse go ya kwa Real Madrid Femenino, kgetsi ya kwa kgotlatshekelo e e neng e amana le bokafamolaong ja manaane a dituelo tsa batshameki ba kgwele ya dinao ya Spain di tlhomamisa gore bahiri ba gagwe ba basha ba tla seke ba tshwanelweke go duela Athletic Club sepe.[13]
O ne a nna leloko la ditso tsa Real Madrid ka bonako fa a nna mongwe wa ba ba lesome le bongwe go simolola motshameko wa bone wa ntlha o o rurifaditsweng ka Phalane wa 2020 (ka setlhopha se se neng se ratile go tlala ka ba ba saenilweng mo bosheng fela, ba ne ba latlhegelwa ka dino tse nne go lefela kwa gae kgatlhanong le Barcelona.[14] Dibeke tse pedi moragonayana o ne a le fa gare ga ba ba nositseng mo phenyong ya bone ya ntlha, mme ka Mopitlo wa 2023 a dira iponagatso ya gagwe ya bo lekgolo ya Merengues, a goroga kwa legatong le mo motshamekong o le mongwe le motshwaradino Misa Rodríguez.[15]
Oroz o ne a nna le seabe mo setlhopheng sa setshaba sa Spain sa go ya ka dingwaga mo moaemong a le tsopana ebile a atlega thata, e le leloko la setlhopha sa under-17 se se neng sa bona seetsele sa kgotlho kwa UEFA Women's Under-17 Championship ya 2013,[5] seleferra kwa sejaneng sa lefatsehe sa FIFA sa U-17 ka 2014 le gauta kwa UEFA Women's Under-17 Championship ya 2015;[4] setlhopha sa under-19 se se neng sa goroga kwa makgaolakgang a UEFA Women's Under-19 Championship ya 2016 sa bo sa fenya kgaisanong yeo ka 2017; le setlhopha sa under-20 se se neng se le mo maemong a bobedi kwa sejaneng sa lefatshe sa FIFA sa U-20 sa 2018,[16] ba neng gape ba na le seabe mo kgaisanong ya 2016.[17]
Ka Phalane wa 2019, o ne a biletswa kwa setlhopheng sa ntlhantlha sa España Promesas (setlhopha sa Spain sa B) ga mmogo le batshameki ka ene.[18][19]
O tshamekile gape kwa Basque Country e e sa tlhomamisiwang le ditlhopha tsa kemedi ya Navarre a dira tshameko ya gagwe ya ntlha ka 2017 mo ditlhopheng ka bobedi.[20][21]
No. | Letsatsi | Lefelo | Moganetsi | Dino | Maduo | Kgaisano |
---|---|---|---|---|---|---|
1. | 11 November 2022 | Estadio Municipal Álvarez Claro, Melilla, Spain | Argentina | 2–0 | 7–0 | Motshameko wa botsalano |
2. | 16 February 2023 | Industree Group Stadium, Gosford, Australia | Jamaica | 1–0 | 3–0 | 2023 Cup of Nations |
3. | 26 September 2023 | Estadio Nuevo Arcángel, Córdoba, Spain | Switzerland | 5–0 | 5–0 | 2023–24 UEFA Women's Nations League |
4. | 31 October 2023 | Letzigrund, Zürich, Switzerland | Switzerland | 7–1 | 7–1 | 2023–24 UEFA Women's Nations League |
Spain
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.