From Wikipedia, the free encyclopedia
Fridolina Rolfö (yo o tshotsweng ka Ngwanatsele a le masome a mabedi le bone ka 1993) ke motshameki wa kgwele ya dinao e e porofeshionale yo o tshamekang kwa pele mo setlhopheng sa Liga F sa Barcelona le setlhopha sa setshaba sa Sweden.[4]
.jpg) Rolfö with Wolfsburg in 2019 | |||||||||||||||||||
| Motshameki wa kgwele ya dinao | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| Leina ka botlalo | Fridolina Rolfö[1] | ||||||||||||||||||
| Letsatsi la tsalo | 24 November 1993 | ||||||||||||||||||
| Lefelo la tsalo | Kungsbacka, Sweden | ||||||||||||||||||
| Bolele | 1.78 m (5 ft 10 in)[2] | ||||||||||||||||||
| Maemo | Forward | ||||||||||||||||||
| Club information | |||||||||||||||||||
Current team | Barcelona | ||||||||||||||||||
| Number | 16 | ||||||||||||||||||
| Youth career | |||||||||||||||||||
| – | Fjärås | ||||||||||||||||||
| Tiro ya gagwe* | |||||||||||||||||||
| Dingwaga | Setlhopha | Metsh | (Dinno) | ||||||||||||||||
| 2008–2010 | Tölö | ||||||||||||||||||
| 2011–2013 | Jitex | 59 | (16) | ||||||||||||||||
| 2014–2016 | Linköping | 51 | (16) | ||||||||||||||||
| 2017–2019 | Bayern Munich | 40 | (18) | ||||||||||||||||
| 2019–2021 | VfL Wolfsburg | 25 | (9) | ||||||||||||||||
| 2021– | Barcelona | 66 | (28) | ||||||||||||||||
| Setlhopha sa setshaba‡ | |||||||||||||||||||
| 2011–2012 | Sweden U19 | 26 | (8) | ||||||||||||||||
| 2015– | Sweden | 86[3] | (30) | ||||||||||||||||
Honours
| |||||||||||||||||||
|
*Metshameko ya gagwe le dinno, correct as of 00:46, 5 May 2024 (UTC) ‡ National team caps and goals, correct as of !6:00, 1 June 2024 (UTC) | |||||||||||||||||||
Fridolina Rolfö o tshotswe ka Ngwanatsele a le masome a mabedi le bone ka 1993 e le ngwana wa ga mmagwe Eleonore Andersson le rraagwe Lars Rolfö.[5][6] O na le kgaitsadie yo monnye mo go ene yo o bidiwang Julius le morwadiarraagwe yo motona mo go ene yo o bidiwang Daniella, wa bofelo yo a tshamekile kgwele ya dinao mme a tlhotlheletsa Rolfö go dira se se tshwanang. O goletse kwa Kungsbacka, mmasepala wa kwa Metropolitan Gothenberg.[5]
Mo bonaneng ja gagwe, Rolfö o tshamekile kgwele ya dinao le kgwele ya diatla mme a tlhopha go lebagana le kgwele ya dinao ele nosi fa a tshwara dingwaga tse lesome le botlhano.[6] Setlhopha sa gagwe sa ntlha sa kgwele ya dinao a se tshamekela a le dingwaga tse lesome ke sa basetsana ba banana sa IFK Fjärås, se se kwa borwa ja Kungsbacka kwa toropong ya Fjärås.[5][6]
Tiro ya pele
Fa tsena go tswa kwa Tölö, Rolfö a nosa dino tse di ferangbongwe kwa setlhopheng sa Jitex kwa setlheng sa gagwe sa ntlha sa Damallsvenskan sa 2011. Maemo a a a ratang thata ke a go tshameka ka fa letlhakoreng la moja gore a kgone go tsena mo teng a bo a raga ka lenao la gagwe la molema le e leng lone le le bogale.[7] O nositse dino tsa gagwe tsa ntlha tsa liki ka Motsheganong a tlhola ga tlhano ka 2011 mo phenyong ya kwa ntle ga gae ya dino di ferabongwe go lefela kgatlhanong le ba ba magorogomasha ba Dalsjöfors GoIF, a nosa dino tse tharo go dira 1-0, 2-0 le 3-0.[8] O ne a bidiwa e le motshameki wa banana wa ngwaga wa kgwele ya dinao ya bomme wa 2011 ke Göteborgs-Posten.[9]
Rolfö o saenetse Linköping ka 2014 mme a nosa dino tse tharo mo tshamekong ya gagwe ya ntlha ya UEFA Champions League kgatlhanong le bommampodi ba Enyelane, Liverpool.[10]
Bayern Munich
Ka Ngwanatsele wa 2016 go ne ga begwa fa Rolfö a tlaa saenela bommampodi ba nako eo ba Bundesliga, Bayern Munich. O ne a saena tumalano ya dikgwedi tse lesome le boferabobedi go simologa ka Firikgong a rogwa ka 2017.[11] Ka Tlhakole a le masome a mabedi le borataro ka 2017, a dira tshameko ya gagwe ya ntlha mo phenyong ya kwa gae ya dino tse pedi go e le nngwe kgatlhanong le FF USV Jena, a tsena a emisetsa Melanie Leupolz mo motsotsong wa masome a marataro le boferabobedi.[12] O ne a nosa nno ya gagwe ya ntlha ya Bundesliga ka Phalane a rogwa, 2017 mo phenyong ya dino tse nne go lefela ba le kwa ntle ga gae kgatlhanong le TSG 1899 Hoffenheim.[13] Mo setlheng sengwe le sengwe sa gagwe sa ko Jeremane, Bayern Munich ya fetsa mo maemong a bobedi fa morago ga VfL Wolfsburg mo liking.[14]
VfL Wolfsburg
Ka Motsheganong wa 2019, bommapodi ba nako eo ba Bundesliga VfL Wolfsburg ba bega fa ba saenne Rolfö mo tumalanong ya dingwaga tse pedi.[15] Ka Phatlwe a le masome mabedi le botlhano ka 2020, Rolfö a nosa nno e le yosi kgatlhanong le Barcelona mo phenyong ya sekamakgaolakgang ya Champions League e e neng e tshamekwa gangwe go iponna phatlha kwa makgaolakgang, kwa setlhopha sa gagwe se neng sa latlhegelwa ka nno go tse tharo kgatlhanong le Lyon.[16][17] Ka Seetebosigo a le masome a mararo ka 2021, Rolfö a tlogela VfL Wolfsburg morago ga tumalano ya gagwe e fela.
Barcelona
Ka Phukwi a tlhola ga supa ka 2021, o ne a saena tumalano ya dingwaga tse pedi le Barcelona.[18] Ka Lwetse a tlhola gane, Rolfö a dira tshameko ya gagwe ya ntlha e e tlhomamesitsweng ya Barcelona fa a tsena mo metsotsong ya bofelo e lesome le boferabobedi, a emisetsa Mariona Caldentey mo kgatampolong ya dino tse tlhano go lefela ya Granadilla Tenerife.[19] Beke moragonyana a nosa nno ya gagwe ya ntlha ya setlhopha se fa a nosa nno ya setlhopha sa gagwe ya bone mo phenyong e nngwe gape ya nno tse tlhano go lefela kgatlhanong le Real Betis.[20]
Ka Firikgong wa 2023, Rolfö a oketsa tumalano ya gagwe le Barcelona go fitlha ka Seetebosigo wa 2026.[21] Rolfö a nosa nno ya phenyo mo makgaolakgannyeng a Champions League a 2022–23, a dira dino gore e nne 3-2 kgatlhanong le setlhopha sa gagwe sa pele sa VfL Wolfsburg a a fa Barcelona bommampodi ja bone ja Champions League ja bobedi.[22]
Ka Lwetse a tlhola ga tlhano ka 2023, Rolfö a bega fa a tlaa dirwa loaro la keyhole mo meniscus wa lengole la gagwe la moja.[23] O ne a boa go tswa kwa kgobalong ka Mopitlo a le lesome le bosupa ka 2024, mme mo motshamekong wa gagwe wa ntlha a boile, a bulela dino mo motsotsong wa boferabobedi mo phenyong ya bosupa go lefela kgatlhanong le UD Tenerife.[24]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
