From Wikipedia, the free encyclopedia
Pierre Louis Rodolphe Julian (13 Seetebosigo 1839 - 2 Tlhakole 1907) yo o belegweng kwa
Lapalud borwabotlhaba jwa Fora e ne e le motaki wa Sefora, mokwadi wa ditshwantsho le porofesa, mothei le motsamaisi wa Académie Julian kwa Paris.[1] Mokwadi André Corthis (1882 - 1952), mofenyi wa kgatiso ya 1906 ya Prix Femina e ne e le setlogolo sa gagwe.
Julian o ne a bereka mo lebenkeleng la dibuka kwa Marseille. O ne a rata metshameko, segolobogolo motshameko wa go lwa. Julian o ne a ya kwa Paris, koo a neng a nna moithuti wa ga Léon Cogniet le Alexandre Cabanel, porofesa kwa École des Beaux-Arts, kwa ntle ga go kwadisiwa koo.[2]
Ka 1863 o ne a supa ka lekgetlo la ntlha kwa di-salon.[3]
O ne a nyala motaki mongwe yo o bidiwang Amélie Beaury-Saurel ka 1895.
Dikgwetlho tse a neng a lebana le tsone fa a le kwa Paris di ne tsa dira gore a simolole ka 1868, sekolo sa botaki sa poraefete, Académie Julian, se gape se neng se thapisa bataki ba ba tswang kwa dinageng di sele le basadi ba ba neng ba sa kgone go tsena mo sekolong sa semmuso.[4]
Boikaelelo e ne e le go baakanyetsa baithuti go tsena kwa École des Beaux-Arts. Julian o ne a tlhalosiwa ke mokwadi wa dibuka wa Mo-Anglo-Irish le motshwayadiphoso George Moore jaaka "mofuta wa Hercules, wa moriri o montsho, o o nonofileng, wa magetla a a sephara, maoto a makhutshwane, lentswe le le bonolo le bontle jotlhe jwa Midi". [5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.