Ang Bayan ng Los Baños ay isang unang klaseng bayan sa lalawigan ng Laguna, Pilipinas. Ayon sa senso ng 2020, ito ay may populasyon na 115,353 sa may 32,017 na kabahayan. May kabuuang sukat ang bayan na 56.6 kilometro kwadrado at naghahanggan sa timog at timog kanluran ng Bundok Makiling, sa hilaga ng Look ng Bay, sa hilagang kanluran ng Lungsod ng Calamba at sa Silangan ng bayan ng Bay. Ang bayan ay matatagpuan 63 kilometro sa timog silangan ng Maynila at mararating sa pamamagitan ng South Luzon Expressway.