Uretra

Ang uretra o daluyan ng ihi ay isang tubong umuugnay o kumukunekta sa pantog patungo sa labas ng katawan. Ito ang nagpapahintulot sa tao at hayop (lalaki man o babae) na makapagtanggal ng ihi mula sa kanilang katawan.^[1] Natatabanan o nakukontrol ng tao at hayop ang pag-ihi o urinasyon sa pamamagitan ng paggamit ng ispinkter na uretral. Bahagi ng sistemang pang-ihi o uretral ang uretra. Dahil sa mamalya ang tao, mayroon itong uretra. Sa lalaking mamalya, bahagi rin ang uretra ng sistemang reproduktibo, dahil ginagamit ito ng lalaki bilang tubong lagusan o daanan ng semilya at semen sa panahon o oras ng pakikipagtalik. Bilang daanan ng isperma at ihi, umaabot ang uretra mula sa prostata pababa hanggang sa kahabaan ng titi.^[2]

Ang panlalaking uretra.

Mga sanggunian

1. Gaboy, Luciano L. Urethra - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
2. Harmatz, Morton G. at Melinda A. Novak. Glossary, Human Sexuality, Harper & Row Publishers, New York, 1983, pahina 569.

Ang lathalaing ito ay isang usbong. Makatutulong ka sa Wikipedia sa pagpapalawig nito.