Ang talang-gunita o talang-alaala (Ingles: memoir, /mem-war/, memoirs kung sa anyong maramihan) ay isang kalipunan ng pagsasalaysay o kuwento ng buhay na pinagdaanan o pag-ala-ala sa nakalipas o mga bagay na naalala, ngunit maaari ring tumukoy sa isang sanaysay o aklat hinggil sa isang paksang natatangi, at maging isang ulat ng pagpupulong ng isang pangkat o kapisanan.[1] Nagmula ang katawagan nito sa Ingles na memoir sa Pranses na mémoire, nagbuhat naman sa Lating memoria na nangangahulugang "ala-ala", "memorya", "reminisensya", "gunita", o "salamisim".[1] Bilang isang anyo o uri ng panitikan, bumubuo ito sa isang subklase o kabahaging klase ng autobiyograpiya, bagaman halos napagpapalitan ang 'talang-gunita' at 'autobiyograpiya' sa makabagong pananalita. Pagsusulat na autobiyograpikal ang sa talang-gunita, ngunit hindi lahat ng mga pagsulat na pang-autobiyograpiko ay sumusunod sa pamantayan para sa isang talang-gunita. Matatawag na memorista ang may-akda ng talang-gunita, batay sa Ingles na memoirist.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
