Pen Medina

Si Crispin "Pen" Parungao Medina Sr. (ipinanganak noong Agosto 27, 1950, sa Arayat, Pampanga^[1]) ay isang artista mula sa Pilipinas na nagsimulang umarte sa mga palabas sa teatro noong kanyang kabataan.^[2] Nang naglaon, naging artista din siya sa mga pelikula at telebisyon.^[3] Isa sa mga kilala niyang pagganap ay ang papel na Hagorn, ang pangunahing kontrabida sa seryeng pantasya na Encantadia noong 2005.^[4] Nanalo siya ng Nora Aunor Ulirang Artista Lifetime Achievement Award (Parangal sa Habang-buhay na Pagtamo) noong ika-33 PMPC Star Awards for Movies, Pinakamahusay na Pansuportang Aktor sa ika-62 FAMAS Awards, at Pinakamahusay na Aktor sa ika-6 na Cinema One Originals Film Festival.^[5][6][7]

Pen Medina
Kapanganakan	Crispin Parungao Medina Sr. (1950-08-27) 27 Agosto 1950 (edad 74) Arayat, Pampanga
Nasyonalidad	Pilipino
Trabaho	Artista manunulat sa pelikula modelo pintor
Aktibong taon	1977–kasalukuyan
Kilala sa	Hagorn sa Encantadia
Kilalang gawa	Kamera Obskura Muro-Ami Deathrow Layang Bilanggo 10,000 Hours
Anak	7 (kabilang sina Ping at Alex)
Parangal	Buong tala

Siya rin ang naging ikalawang Pilipinong Colonel Sanders ng KFC.^[8][9] Isa din siyang modelo^[10] at pintor.^[11] Isa rin siyang aktibista na sumasali sa mga rally o pagtipun-tipon laban sa mga nakaluklok sa kapangyarhan at gayon din sa pagsali sa mga protesta kontra bakuna at kontra sa pagsuot ng face mask (o telang pantakip sa mukha) sa gitna ng pandemya ng COVID-19.

Kalusugan

Noong Hulyo 2022, ipinabatid ng kanyang pamilya na mayroon siyang degenerative disc disease (o malubhang sakit ng disko ng gulugod) at naratay sa higaan ng ospital sa mga ilang linggo.^[12] Sumailalim siya ng pagtistis ng kanyang gulugod upang gamutin ang kanyang sakit.^[13][14]

Mga parangal

Taon	Naggawad	Kategorya	Gawa	Kinalabasan
1993	Ika-41 FAMAS Awards	Pinakamahusay na Pansuportang Aktor	Sakay[15]	Nominado
1994	Ika-18 Parangal ng Gawad Urian	Pinakamahusay na Pangalawang Aktor	Sakay[16]	Nominado
1999	Ika-25 Paligsahan ng mga Pelikula ng Kalakhang Maynila	Pinakamahusay na Pansuportang Aktor	Muro Ami[17]	Nanalo
2001	Film Academy of the Philippines	Pinakamahusay na Pansuportang Aktor	Deathrow[18]	Nanalo
2010	Ika-6 na Cinema One Originals Film Festival	Pinakamahusay na Aktor	Layang Bilanggo[7]	Nanalo
2013	Ika-39 na Paligsahan ng mga Pelikula ng Kalakhang Maynila	Pinakamahusay na Pansuportang Aktor	10,000 Hours[19]	Nanalo
2014	Ika-62 FAMAS Awards	Pinakamahusay na Pansuportang Aktor	10,000 Hours[6]	Nanalo
2017	Ika-33 PMPC Star Awards for Movies	Nora Aunor Ulirang Artista Lifetime Achievement Award	(Di-nauugnay)[5]	Nanalo