Ang pagpaparami o reproduksiyon[1] ay ang prosesong biyolohikal kung saan nalalalang o nalilikha ang bagong indibidwal na mga organismo. Isang pundamental na kasangkapang-katangian ng lahat ng nalalamang buhay ang reproduksiyon; umiiral ang bawat indibidwal bilang resulta o kinalabasan ng reproduksiyon. Malawakang pinangkat ang nakikilalang mga metodo ng reproduksiyon sa dalawang pangunahing tipo o uri: ang seksuwal at ang aseksuwal.
Sa reproduksiyong aseksuwal, maaaring makalikha o makagawa ng supling o anak ang isang indibidwal na hindi kinakailangan ang tulong ng isa pang indibidwal ng uri o espesyeng iyon. Isang halimbawa ng reproduksiyong aseksuwal ang dibisyon o paghahati ng isang selula ng bakterya upang maging dalawang anak na selula. Subalit hindi limitado o para lamang sa mga organismong uniselular o organismong may iisang selula ang reproduksiyong aseksuwal. Karamihan sa mga halaman ang may kakayahan o abilidad na makapagsupling sa pamamagitan ng paraang aseksuwal.
Nangangailangan ang reproduksiyong seksuwal ng tulong ng dalawang mga indibiduwal, karaniwang isa ng bawat isang kasarian o seks. Karaniwang halimbawa ng reproduksiyong seksuwal ang normal na reproduksiyong pantao o reproduksiyong humano.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
