Kilusang Bagong Lipunan

Ang Kilusang Bagong Lipunan (KBL), noon ay tinawag na Kilusang Bagong Lipunan ng Nagkakaisang Nacionalista, Liberal, at iba pa (KBLNNL), ay isang partidong pampolitika sa Pilipinas. Ito ay unang nabuo noong 1978 bilang isang koalisyon ng mga taga-suporta ng yumaong Pangulong Ferdinand E. Marcos para sa Pansamantalang Batasang Pambansa at ang nagsilbing sasakyang pampolitika sa ilalim ng kanyang rehimen.^[7] Ito ay muling isinaayos bilang isang partido noong 1986 pagkatapos mapatalsik si Ferdinand Marcos,^[8] bilang isa sa mga pinaka maka-kanan na partidong pampolitika sa buong bansa.^[8]

Kilusang Bagong Lipunan
Tagapangulo	Imelda Marcos (emeritus)
Pangulo	Efren Rafanan Sr.
Nagtatag	Ferdinand Marcos
Punong-Kalihim	Josephine Gandol
Itinatag	Pebrero 1978; 47 taon ang nakalipas (1978-02)
Humiwalay sa	Partido Nacionalista Partido Liberal (Pilipinas)
Punong-tanggapan	1611 Orcel II Bldg., Quezon Avenue, Lungsod ng Quezon
Palakuruan	Maka-bayan Konserbatismo (1978–86)[1][2][3][4] Anti-komunismo[4][5] Populismong maka-kanan (1978–86) Mga Panig: (1978–86) Sentrismo Libertarianismo[6]
Kasapian pambansa	UniTeam
Opisyal na kulay	Asul,      Puti,      Pula, and      Dilaw
Mga puwesto sa Senado	0 / 24
Mga puwesto sa Kamara de Representante	0 / 300
Website
www.kbl.org.ph

Simula 1986, ang KBL ay nakipagpaligsahan sa pambansa at local na mga halalan sa Pilipinas ngunit nakakuha ng iisang puwesto lamang sa Kamara sa Ilocos Norte, na hawak ng dating Unang Ginang ng Pilipinas na si Imelda Marcos hanggang 2019.

Pagtatatag at Ideyolohiya

Pangunahing artikulo: Batas Militar sa Ilalim ni Ferdinand Marcos

Ang mga ugat ng ideolohiya ng konseptong "bagong lipunan" ay maaring mabalikan sa mga kadahilanan ng pagdedeklara ng Batas Militar noong Septyembre 1972.^[9](p"66") Sa kanyang retorika, iginiit ni Pangulong Marcos na ang sistema ng "awtoritaryong konstitusyonal" ay karapat-dapat upang "mareporma ang lipunan" at makabuo ng "bagong lipunan" sa ilalim ng kanyang pamumuno.^{[9](p"29")[10][11]}

Anim na taon matapos ang pagdedeklara ng Batas Militar, inangkin ni Marcos ang retorikang ito at ginamit ang parirala bilang pangalan ng koalisyon ng mga kaalyadong mga partido ng administrasyon noong sila ay tumatakbo para sa 1978 Halalang Pamparliyamentaryo sa Pilipinas.^[7] Ibinalik ng koalisyon ang pangalang ito nang sila ay nareorganisa noong 1986.

Humiwalay na mga panig matapos ang Rebolusyong EDSA

Pangunahing artikulo: People Power Revolution

Matapos ang Rebolusyong EDSA, na naghiwatig ng katapusan ng 21 taong kapangyarihan ni Ferdinand Marcos, siya, ang kaniyang pamilya at ang kanyang mga tanyag na mga loyalista, ang makinarya ng partido ni Marcos ay mabilisang nagkandawatak-watak sa maraming mga panig, kung saan ang naging piakamatagumpay ay ang Partido Nacionalista ni Blas Ople, isang reorganisadong Partido Nacionalista na pinamunuan ni Rafael Palmares at Renato Cayetano matapos ang pakamatay ni Senador Jose Roy, at ang reorganisadong Kilusang Bagong Lipunan na pinamumunuan naman ni Nicanor Yñiguez.^[12][13]

Noong paanahon ng 1987 Plebisitong Konstitusyonal sa Pilipinas, ang muling nabuong KBL sa ilalim ni Yñiguez^[8] - nanatiling matapat sa ideyolohiya ni Marcos, na sumasalungat sa Partido Nacionalista ng Pilipinas kung saan sila ay pumapanig sa bandang sentro ng espektrong pampolitika, at ang Palmares wing ng Partido Nacionalista at ang Kalaw wing ng Partido Liberal ay napaloob naman sa sentrong-kanan ng espektrong pampolitika.^[12]

Paghihiwalayan sa Partido noong 2009

Former logo of KBL

Noong 20 Nobyembre 2009, ang KBL ay kumampi sa Nacionalista Party (NP) sa pagitan ni Bongbong Marcos at Tagapangulo ng NP Senador Manny Villar sa Laurel House sa Mandaluyong.^{[14][wala sa ibinigay na pagbabanggit]} Si Bongbong ay natanggal rin bilang miyembro ng Pambansang Komiteng Ehekutibo ng KBL noong 29 Nobyembre.^[15] Kaya naman, ang NP ay nakipagputol sa KBL dahil sa mga pagtatalo sa loob ng koalisyon, ngunit si Marcos ay nanatiling parte ng talaang pangsenador ng NP.^{[14][wala sa ibinigay na pagbabanggit]}

Mga kumandidato noong 2010 Halalan sa Pilipinas

• Vetellano Acosta – Kandidatong Pampangulo (talo)
• Jay Sonza – Kandidatong Pangikalawang Pangulo (talo)
• Talaang Pangsenado
  1. Alma Lood (talo)
  2. Hector Villanueva (talo)
  3. Shariff Ibrahim Albani (talo)

Tanyag na mga miyembro

• Ferdinand Marcos — ika-10 na Pangulo ng Pilipinas, Pangulo ng Senado, kongresista
• Roberto "Amay Bisaya" Reyes Jambongana— Kumandidato bilang senador, kumandidato bilang gobernador ng Bohol, komedyante
• Larry Gadon — Kumandidato bilang senador sa Halalang Pangsenador sa Pilipinas noong 2019,abogado; nagtaguyod para sa pagpapatalsik kay nakaraang Punong Hukom Maria Lourdes Sereno^[16][17]
• Jay Sonza^[18]
• Victor Wood^[19]
• Vicente Millora — Gobernador ng Pangasinan, kongresista/asambleista

Tanyag na mga nakaraang miyembro

• Conrado M. Estrella III — (lumipat sa Nationalist People's Coalition noong 1992; nahalalal sa Abono Party-List representante noong 2010) nakaraang representante ng Ika-6 na Distrito ng Pangasinan
• Imelda Romualdez-Marcos — (lumipat sa Nacionalista Party) former First Lady, Ministro ng Tirahang Pantao, Gobernador ng Kalakhang Maynila, Representante ng Ika-1 na Distrito ng Leyte
• Ferdinand Marcos Jr. — (lumipat sa Partido Federal ng Pilipinas) nakaraang Pangalawang Gobernador at Gobernador ng Ilocos Norte, Representante ng Ika-2 Distrito ng Ilocos Norte, Senador
• Imee Marcos — (lumipat sa Partido Nacionalista) Senador, nakaraang Gobernador ng Ilocos Norte, Representante ng ika-2 Distrito ng Ilocos Norte
• Vicente Millora - (lumipat sa Loyalist Party of the Philippines) Gobernador, Asambleista

Pagganap sa Halalan

Pangulo

Halalan	Kandidato	Bilang ng Boto	Bahagdan ng Boto	Resulta ng Halalan
1981	Ferdinand Marcos	18,309,360	88.02%	Panalo
1986	Ferdinand Marcos	10,807,197	53.62%	Pinagtalunan; umalis ng bansa matapos ang Rebolusyong EDSA
1992	Imelda Marcos	2,338,294	10.32%	Talo
1998	Imelda Marcos			Umalis
2004	Sinuportahan si Fernando Poe Jr. na natalo
2010	Vetellano Acosta			Natanggal
2016	Sinuportahan si Miriam Defensor Santiago na natalo
2022	Ineendorso si Bongbong Marcos ngayong kasalukuyan

Ikalawang Pangulo

Halalan	Kandidato	Bilang ng Boto	Bahagdan ng Boto	Resulta ng Halalan
1986	Arturo Tolentino	10,134,130	50.66%	Pinagtalunan; hindi tumuloy sa puwesto matapos ang Rebolusyong EDSA
1992	Vicente Magsaysay	699,895	3.43%	Talo
1998	Hindi nakilahok
2004	Sinuportahan si Loren Legarda na natalo
2010	Jay Sonza	64,230	0.18%	Talo
2016	Sinuportahan si Bongbong Marcos na natalo
2022	Sinusuportahan si Sara Duterte na tumatakbo ngayong kasalukuyan

Senado

Halalan	Bilang ng Boto	Bahagdan ng Boto	Napanalunang Puwesto	Nakuhang Puwesto	Resulta ng Halalan
1987	16,356,441	4.36%	0 / 24	0 / 24	Talo
1992	12,691,686	4.59%	0 / 24	0 / 24	Talo
1995	8,168,768	4.47%	0 / 12	0 / 24	Talo
1998	Hindi nakilahok
2001	873,306	0.36%	0 / 13	0 / 24	Talo
2004	540,498	0.21%	0 / 12	0 / 24	Talo
2007	2,436,294	0.91%	0 / 12	0 / 24	Talo
2010	2,769,847	0.93%	0 / 12	0 / 24	Talo
2013	Hindi nakilahok
2016	1,971,327	0.61%	0 / 12	0 / 24	Talo
2019	3,487,780	0.96%	0 / 12	0 / 24	Talo

Kamara de Representante

Halalan	Bilang ng Boto	Bahagdan ng Boto	Mga Puwesto	Resulta ng Halalan
Batasang Pambansa
1978	147,885,493	71.13%	137 / 190	Panalo
1984			110 / 200	Panalo
Kamara de Representante
1987	823,676	4.10%	11 / 214	Namuno sa minoryang bloc
1992	438,577	2.35%	3 / 216	Namuno sa minoryang bloc
1995	Nanalo ng isang puwesto sa ilalim ng tambalang KBL/NPC; sumali sa minoryang bloc
1998	35,522	0.15%	0 / 257	Talo
2001	Hindi nakilahok
2004			1 / 261	Sumali sa mayoryang bloc
2007			1 / 271	Sumali sa mayoryang bloc
2010	158,416	0.46%	1 / 286	Sumali sa mayoryang bloc
2013	94,484	0.34%	1 / 293	Sumali sa mayoryang bloc
2016	198,754	0.53%	0 / 297	Talo
2019	33,594	0.08%	0 / 304	Talo

*Isang miyembro ang nahalal sa ilalim ng tambalang KBL-Nationalist People's Coalition.