Irina Shayk

Si Irina Valeryevna Shaykhlislamova^[2] (Ruso: Ирина Валерьевна Шайхлисламова; ipinanganak noong Enero 6, 1986), o mas kilala bilang Irina Shayk (/ʃeɪk/;^[3] Ruso: Ирина Шейк), ay isang modelong Ruso at personalidad sa telebisyon. Nakatanggap si Shayk ng internasyonal na pagkilala nang lumitaw siya bilang unang modelong Ruso sa pabalat ng 2011 Sports Illustrated Swimsuit Issue.^[4] Niraranggo siya ng Models.com bilang isa sa mga Bagong Super.^[5]

Irina Shayk
Ирина Шейк
Si Shayk noong 2014
Kapanganakan	Irina Valeryevna Shaykhlislamova (1986-01-06) 6 Enero 1986 (edad 39) Yemanzhelinsk, Russian SFSR, Soviet Union
Nasyonalidad	Rusya
Ibang pangalan	İrina Şəyxelislamova (Tatar)
Trabaho	Modelo, Television personality
Aktibong taon	2007–kasalukuyan
Ahente	The Society Management (New York) Elite Model Management (Paris, Barcelona) Models 1 (London)[1]
Tangkad	1.78 m (5 tal 10 in)
Kinakasama	Cristiano Ronaldo (2010–2015) Bradley Cooper (2015–2019)
Anak	1
Website	Irina Shayk official

Talambuhay

Pamilya at Edukasyon

Ipinanganak si Shayk sa Yemanzhelinsk (rehiyon ng Chelyabinsk Oblast), Unyong Sobyet, sa isang ama ng Volga Tatar, si Valery Shaykhlislamov, isang minero ng karbon, at ina ng etnikong Ruso, si Olga, isang guro ng musika sa kindergarten.^[6] Sinabi niya na minana niya ang kanyang hitsura mula sa kanyang ama at madalas siyang napagkakamalan ng mga tao na siya ay South American, na nagsasabing,

Ang aking ama ay maitim ang balat, dahil siya ay Tatar, minsan ang mga Tatar ay maaaring magmukhang Brazilian. Habang nakuha ko ang aking matingkad na mga mata mula sa aking ina.

— Irina

^[6]

Siya ay may isang nakatatandang kapatid na babae, na nagngangalang Tatiana Petenkova. Siya rin ay isang tiyahin sa tatlong anak ni Tatiana kabilang ang isang pamangking babae na pinangalanang "Irina" pagkatapos niya.^[7]

Nagsimulang tumugtog ng piano si Shayk sa edad na anim. Sa edad na siyam, nag-enrol siya sa isang paaralan ng musika at nag-aral doon ng pitong taon, parehong tumutugtog ng piano at kumakanta sa koro, dahil gusto ng kanyang ina na mag-aral siya ng musika.^[8] Pumanaw ang kanyang ama dahil sa komplikasyon ng pulmonya noong siya ay labing apat na taong gulang, naiwan ang kanyang pamilya na may kaunting pera at napilitan ang kanyang ina na magtrabaho ng dalawang trabaho upang matustusan ang pamilya. Minsan ay binabalikan niya ang mga alaalang iyon, nagsasabing, "..Paano kung nagkasakit ako at wala kaming pambayad?" tanong ni Irina.^[6]

Pagkatapos ng Haiskul, nag-aral si Shayk ng marketing, ngunit kalaunan ay pinili niyang pumasok sa isang beauty school kasama ang kanyang ate.^[8] Habang nandoon, napansin siya ng isang taga-local modeling agency na nabighani sa kanyang kagandahan. Siya ay inanyayahan na lumahok sa "Miss Chelyabinsk 2004" beauty contest, na kanyang napanalunan; inilarawan niya ang paligsahan na ito na mas mababa sa pamantayan ng mga paligsahan sa pagpapaganda na inaasahan sa mga lungsod sa metropolitan na Europa o sa Estados Unidos.^[9]

Karera

Pansariling buhay

Nagka relasyon si Shayk kay Linkin Park drummer na si Rob Bourdon mula 2007 hanggang 2009.^[10][11] Nakilala niya si Cristiano Ronaldo, isang Portuges na footballer, noong 2009 at naging magkasintahan sila. Tinapos niya ang relasyon nilang dalawa noong Enero 2015.^[12]

Noong tagsibol 2015, nagsimula siyang makipag kita sa Amerikanong aktor na si Bradley Cooper.^[13] Sa panahon ng kanilang relasyon nagkaroon sila ng isang anak na babae, na pinangalanang Lea De Seine, ipinanganak noong Marso 21, 2017 sa lungsod ng Los Angeles.^[14] Ngunit kalaunan ay naghiwalay sila noong hunyo 2019.^[15]