Freddie Aguilar
From Wikipedia, the free encyclopedia
Si Ferdinand Pascual Aguilar (ipinanganak 5 Pebrero 1953), higit na kilala bilang Freddie Aguilar o Ka Freddie Aguilar, ay isang Pilipinong mang-aawit. Kilala siya sa pag-awit niya ng "Bayan Ko", na naging awit ng oposisyon ng rehimeng Marcos noong Rebolusyong EDSA ng 1986,[1] at sa awitin niyang "Anak", ang pinakamabentang awiting Pilipino.[2]
Freddie Aguilar | |
|---|---|
 Freddie. | |
| Kabatiran | |
| Pangalan noong ipinanganak | Ferdinand Pascual Aguilar |
| Kapanganakan | 5 Pebrero 1953 |
| Pinagmulan | Isabela, Pilipinas |
| Genre | Folk Pop |
| Trabaho | Mang-aawit at manunulat ng awitin |
| Taong aktibo | 1973–kasalukuyan |
| Label |
|
Siya ay nakapag-aral ng "electrical engineering" sa De Guzman Institute of Technology ngunit hindi nakapag-tapos ng kanyang programa. Sa halip, pinursige nito ang pagiging musikero mula sa kalye hanggang sa mga bar. Noong 1973, napangasawa niya si Josephine Quiepo.
Iniwan ni Freddie Aguilar ang kanyang mga magulang at paaralan na di pa natatapos sa edad na 18. Dahil dito, nailikha niya ang kantang "Anak" na nagsisilbing paumanhin sa kanyang pagkakamali.
Pagiging Aktibista
Limang taon bago niya isulat ang "Anak", Si Freddie Aguilar ay sumali sa mga protesta laban sa gobyerno noong panahon ni Marcos sa pamamagitan ng pag-sulat ng mga awitin. Ang mga kanta na nagpabawal sa kanya sa publiko ay ang "kata-rungan", "Pangako", at "Luzviminda" na naghihikayat sa mga Pilipino na magising sa katotohanan. Nakikilala rin siya sa pagdagdag ng verse sa "Bayan Ko".
Pagpuri sa ibang bansa
Ang "Anak" ay di lang nakakamit ng mataas na bilang sa charts ng Pilipinas ngunit pati na rin sa karatig bansa. Nakabilang ang kantang ito sa Japan sa unang ranko at nabigyangg halaga sa Indonesia, Malaysia, Hong Kong, at mga bansa sa Europa. Ang kanta ay naging tanyag at naisulat sa 23 ibat-ibang lengwahe. Ang Billboard ay rumeporta na ito ay ang ikalawang hit na awit noong 1980s. Ito rin ay naitalagang highest selling record sa kasaysayan ng musika sa Pilipinas.
Sa kasalukuyan
Nakatira pa rin si Freddie sa bansa at nasa kalagyan kung saan may mga panatiko itong "Ka Freddies". Malakas ang kanyang ugnay sa mga sambayanang Pilipino at mga kababayang naninirahan sa ibang bansa.
Noong 18 Enero 2008, siya ay naparangalan ng Asia Star Award sa prestihiyosong Korea Asia Model Award Festival
Diskograpiya
| Taon | Pamagat | Record label |
|---|---|---|
| 1978 | Anak | Sunshine |
| 1979 | Freddie Aguilar | PDU |
| 1980 | Diyosa | Ugat Tunog ng Lahi |
| 1980 | Freddie Aguilar (US release) | RCA Records |
| 1983 | Bayan Ko... 'Di Ka Nag-Iisa | G. Records International[3] |
| 1983 | Magdalena | G. Records International |
| 1985 | Katarungan | G. Records International[4] |
| 1985 | Pilipino | G. Records International |
| 1987 | Freddie Aguilar – Anak – Double "Best Of" Album | Panarecord International[5] |
| 1987 | EDSA | Ivory Records |
| 1988 | Sariling Atin | Alpha Records |
| 1989 | Hala Bira[6] | Alpha Records[7] |
| 1990 | Heart of Asia[8] | OctoArts International |
| 1991 | Kumusta Ka | AMP |
| 1991 | Freddie Aguilar | AMP |
| 1992 | Pagbabalik Himig | Vicor Music |
| 1993 | Minamahal Kita | Alpha Records |
| 1994 | Anak (Special Collector's Edition) | Vicor Music |
| 1994 | Diwa Ng Pasko | Alpha Records |
| 1995 | Fifteen Years of Freddie Aguilar (AMP release) | Aguilar Music |
| 1995 | The Best of Freddie Aguilar | Alpha Records |
| 1997 | Freddie Aguilar Live! Global Tour (Vols. 1, 2, 3) | Aguilar Music / Vicor Music[9] |
Mga sanggunian
Wikiwand - on
Seamless Wikipedia browsing. On steroids.