From Wikipedia, the free encyclopedia
Si Papa Benedicto IX (c. 1012 – c. 1056) na ipinanganak sa Roma bilang Theophylactus of Tusculum ang papa ng Simbahang Katoliko Romano sa tatlong mga okasyon sa pagitan ng 1032 at 1048.[1] Siya ang isa sa pinakabatang mga papa ng Simbahang Katoliko Romano at ang tanging naging papa sa higit sa isang okasyon at ang tanging papa na kailanman ay nagbenta ng kapapahan. Siya ang anak ni Alberic III na Konde ng Tusculum at pamangkin ni Papa Benedicto VIII at Papa Juan XIX. Kinamit ng kanyang ama ang upuan ng papa para sa kanya na ipinagkaloob sa kanya noong Oktubre 1032. Ayon sa ilang mga sanggunian, si Benedicto IX ay mga 18 o 20 taong gulang nang gawing papa bagaman ang ilang mga sanggunian ay nag-aangkin na siya ay 11 o 12 taong gulang nang gawing papa.[2] Siya ay iniulat na namuhay ng labis na imoral na buhay at may kaunting mga kwalipikasyon para sa kapapahan maliban sa mga koneksiyon sa kanyang makapangyarihan sa lipunang pamilya. Siy aay inilarawan in Pietro Damiani na "nagpipista sa imoralidad". Ang historyan na si Ferdinand Gregorovius ay naglarawan sa kanyang "isang demonyo mula sa imperyno sa pagbabalat kayo ng isang pari...na lumuklok sa upuan ni Pedro at nilapastangan ang mga sagradong misteryo ng relihiyo sa pamamagitan ng kanyang mga walang galang na mga kurso." Siya ay tinawag ng enskiklopedyang katoliko na "isang kahihiyan sa Upuan ni Pedro". Siya ang unang papa na sinasabing pangunahing homoseksuwal[3] at sinasabing nagsagawa ng mga orgiya sa palasyong Laterano. Siya rin ay inakusahan ng Obispong Benno ng Piacenza ng "maraming mga karima-rimarim na mga pangangalunya at mga pagpatay".[4] Tinukoy ni Papa Victor III sa kanyang aklat tungkol kay Benedict IX ang "kanyang mga panggagahasa, pagpatay at ibang mga hindi masasalitang mga gawa. Ang kanyang buhay bilang isang papa ay labis na karima-rimarin, napakasama na ako ay nanginginig na maisip ito."[5]
Benedict IX | |
---|---|
![]() | |
Nagsimula ang pagka-Papa | October 1032 (first term) |
Nagtapos ang pagka-Papa | July 1048 (third term) |
Hinalinhan | John XIX Sylvester III Clement II |
Kahalili | Sylvester III Gregory VI Damasus II |
Mga detalyeng personal | |
Pangalan sa kapanganakan | Theophylactus of Tusculum |
Kapanganakan | c. 1012 Rome, Papal States, Holy Roman Empire |
Yumao | c. December 1055/January 1056 (age 43) Grottaferrata, Papal States, Holy Roman Empire |
Iba pang mga Papa na mayroon ding pangalan na Benedict |
Siya ay sa maikling panahong pinatalsik sa Roma noong 1036 ngunit bumalik sa tulong ni Conrad II, Banal na Emperador Romano. Noong Setyembre 1044, ang oposisyon ay pumwersa sa kanyagn patalsikin sa siyudad at inihalal si Juan na obispo ng Sabina bilang Papa Sylvester III. Ang mga pwersa ni Benedicto IX ay bumalik noong Abril 1045 at pinatalsik ang kanyang katunggali na gayunpaman ay nag-angkin sa kapapahan sa maraming mga taon. Noong Mayo 1045, si Benedicto IX ay nagbitiw sa opisina ng kapapahan upang ipursigi ang pagpapakasal, pagbebenta ng opisina ng papa sa kanyang ninong na si Juan Gratian na nagpangalan sa kanyang sariling Papa Gregoryo VI. Sa sandaling pagkatapos nito ay nagsisi si Benedicto IX sa kanyang pagbibitiw sa pagkapapa at bumalik sa Roma at kinuha ang siyudad na nanatili sa trono ng papa hanggang Hulyo 1046 bagaman si Gregoryo VI ay patuloy na kinilala bilang tunay na papa. Sa panahong ito, muling inihayag rni ni Papa Sylvester III ang kanyang pag-aangkin sa trono ng papa. Ang haring Aleman na si Henry III, Banal na Emperador Romano ay namagitan at sa Konseho ng Sutri noong Disyembre 1046, sina Benedicto IX at Sylvester III ay idineklarang pinatalsik sa trono ng papa samantalang si Gregoryo VI ay hinikayat na magbitiw na kanyang ginawa. Ang Obispong Aleman na si Suidger ay kinoronahang Papa Clemente II. Gayunpaman, si Benedicto IX ay hindi dumalo sa konsehong ito at hindi tinanggap ang pagpapatalsik sa kanya sa pagkapapa. Nang mamatay si Clemente II noong Oktubre 1047, sinunggaban ni Benedicto IX ang Palasyong Laterano noong Nobyembre ngunit pinatalsik ng mga hukbong Aleman noong Hulyo 1048. Upang punan ang kawalan ng kapangyarihan, si Obispo Poppo ng Brixen ay inihalal bilang Papa Damaso II at pangkalahatang kinilala bilang gayon. Tumanggi si Benedicto IX na humarap sa mga kaso ng simonya o pagbebenta ng pagkapapa noogn 1048 at itiniwalag. Ang kalaunang kapalaran ni Benedicto IX ay hindi alam ngunit maaring iniangat ni Papa Leo IX ang pagbabawal sa kanya. Si Benedicto IX ay inilibg sa Abbey ng Grottaferrata c. 1056. Si Benedicto IX ay karaniwang kinikilala bilang mayroong tatlong mga termino bilang papa:
Theophylact I, Count of Tusculum 864–924 | Theodora | ||||||||||||||||||||||||||||||||
Hugh of Italy 887-924-948 (also married Marozia) | Alberic I of Spoleto d. 925 | Marozia 890–937 | Pope Sergius III 904–911 | ||||||||||||||||||||||||||||||
Alda of Vienne | Alberic II of Spoleto 905–954 | David or Deodatus | Pope John XI 931–935 | ||||||||||||||||||||||||||||||
Gregory I, Count of Tusculum | Pope John XII 955–964 | Pope Benedict VII 974–983 | |||||||||||||||||||||||||||||||
Pope Benedict VIII Pope 1012–1024 | Alberic III, Count of Tusculum d. 1044 | Pope John XIX Pope 1024–1032 | |||||||||||||||||||||||||||||||
Peter, Duke of the Romans | Gaius | Octavianus | Pope Benedict IX 1012–1055 | ||||||||||||||||||||||||||||||