Filipino Martial art From Wikipedia, the free encyclopedia
Ang arnis, kilala din bilang kali o eskrima/escrima, ay ang pambansang sining pandigma ng Pilipinas.[1] Ang tatlong katawagan ay halos napagpapalit-palit ang gamit para sa tradisyunal na sining pandigma sa Pilipinas, na binibigyan-diin ang pakikipaglabang may armas at ito ang mga kahoy na pambambo, kutsilyo, matatalim na sandata, at improbisong armas, at gayon din ang mano-manong pamamaraan na walang armas.
May mga kampanya para gawin ang arnis na manomina sa mga Talang Pamanang Pangkalinangan na Di-nahahawakan ng UNESCO, kasama ang ibang sining pandigma sa Pilipinas. Noong 2018, may nakatalang siyam na pamanang pangkalinangan na may kaugnayan sa sining pandigma sa UNESCO.[2]
Nagmula ang katawagang arnis sa arnés,[3] isang Lumang Kastilang salita para sa baluti. Hinango naman ang eskrima (binabaybay din bilang escrima) mula sa salitang Kastila para sa palakasang esgrima.[4][5] Ang kaugnay nito sa Pranses ay escrime at may kaugnayan sa katawagnang Ingles na skirmish.
Malamang hinango ang pangalang kali mula sa katawagang Filipino bago dumating ang mga Kastila para sa mga talim at sa palakasang eskrima, ang kalis (baybay sa Kastila: "calis"),[6] na dinokumento ni Antonio Pigafetta, ang tagapagtala ng ekspedisyon ni Fernando de Magallanes noong paglalakbay nila sa Kabisayaan, at sa diksyunaryong lumang Kastila sa sariling wikang Filipino, at mga bokubolaryong aklat na pinetsa mula 1612 hangang sa huling bahagi ng dekada 1800, tulad ng Vocabulario de Lengua Tagala ni Padre Pedro de San Buenaventura.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.