Velletri
From Wikipedia, the free encyclopedia
Ang Velletri (Italyano: [velˈleːtri];[3] Latin: Velitrae; Volsco: Velester) ay isang Italyanong komuna sa Kalakhang Lungsod ng Roma Capital, humigit-kumulang na 40 km sa timog-silangan ng sentro ng lungsod, na matatagpuan sa Kaburulang Albano, sa rehiyon ng Lazio, gitnang Italya. Ang mga kapitbahay ng komuna ay Rocca di Papa, Lariano, Cisterna di Latina, Artena, Aprilia, Nemi, Genzano di Roma, at Lanuvio. Ang kasabihan nito ay: Est mihi libertas papalis et imperialis (binigyan ako ng kalayaan ng papa at ng emperador).
Velletri | |
---|---|
Comune di Velletri | |
Panorama ng Velletri | |
Velletri sa loob ng Kalakhang Lungsod ng Roma | |
Mga koordinado: 41°41′12″N 12°46′39″E | |
Bansa | Italya |
Rehiyon | Lazio |
Kalakhang lungsod | Roma (RM) |
Pamahalaan | |
• Mayor | Orlando Pocci |
Lawak | |
• Kabuuan | 118.23 km2 (45.65 milya kuwadrado) |
Taas | 380 m (1,250 tal) |
Populasyon (2018-01-01)[2] | |
• Kabuuan | 53,188 |
• Kapal | 450/km2 (1,200/milya kuwadrado) |
Demonym | Veliterni |
Sona ng oras | UTC+1 (CET) |
• Tag-init (DST) | UTC+2 (CEST) |
Kodigong Postal | 00049 |
Kodigo sa pagpihit | 06 |
Santong Patron | San Clemente |
Saint day | Nobyembre 23 |
Websayt | Opisyal na website |
Ang Velletri ay isang sinaunang lungsod ng tribong Volsco Sa alamat, nagkaroon ng hindi pagkakasundo sa mga Romano sa panahon ng paghahari ni Ancus Marcius, ang ika-apat na hari ng Roma; at naulit sa ikalima at ikaapat na siglo BCE, sa panahon ng maagang Republikang Romano. Ang Velletri din ang tahanan ng mga Octavia, ang pamilya ng ama ng unang Emperodr ng ERomana si Augustto Noong Gitnang Kapanahunan, ito ay isa sa ilang mga "malayang lungsod" sa Lazio at gitnang Italya. Ito ang lugar ng dalawang makasaysayang labanan noong 1744 at 1849. Sa panahon ng Ikalawang Digmaang Pandaigdig, ito ay nasa gitna ng mabangis na labanan sa pagitan ng mga Aleman at mga Alyano noong 1944 pagkatapos ng Anglo-Amerikanong pagdaong sa Anzio.
Ngayon, ang Velletri ay tahanan ng isang korteng circuito at isang bilangguan, pati ng maraming kolehiyo at mataas na paaralan. Ito ang terminus ng riles ng Roma-Velletri, pinasinayaan ni Pio IX noong 1863, at isa sa mga sentro na nadaanan ng Via Appia Nuova (modernong Daang Appia).