From Wikipedia, the free encyclopedia
Ang Time o TIME (daglat ng The International Magazine of Events) ay isang pambalitaang magasin sa Estados Unidos na inilalathala nang lingguhan sa Lungsod ng New York. Itinatag noong 1923 at ilang dekadang pinamahalaan ni Henry Luce na nakapagtatag ng maraming pang matagumpay na magasin. Ang edisyon nito sa Europa na Time Europe, dating tinawag na Time Atlantic ay nilalathala sa London at sumasaklaw rin sa Gitnang Silangan, Aprika at hanggang 2003 pati Amerikang Latin. Ang edisyon naman ng Time sa Asya na Time Asia ay nakahimpil Hong Kong. Ang edisyon nito sa Timog Pasipiko na saklaw ang Australia, New Zealand, at mga kapuluan sa Pasipiko, ay nakabase sa Sydney, Australia. Noong Disyembre 2008, ihininto ng Time ang paglathala ng edisyon nitong pang-Canada.[2]
 | |
| Namamahalang Patnugot | Nancy Gibbs |
|---|---|
| Kategorya | pambalitaang magasin |
| Dalas | lingguhan |
| Kabuuang sirkulasyon (2013) | 3,289,387[1] |
| Unang sipi | 3 Marso 1923 |
| Kompanya | Time Inc. |
| Bansa |  Estados Unidos |
| Nakabase sa | Lungsod ng New York |
| Wika | Ingles |
| Websayt | time.com |
| ISSN | 0040-781X |
| Bilang OCLC | 1311479 |
Ang Time ay ang lingguhang pambalitaang magasin na may pinakamalawak na sirkulasyon sa buong mundo at may mambabasang aabot ng 25 milyon, kung saan 20 milyon dito ay nasa Estados Unidos.[kailangan ng sanggunian]
Si Richard Stengel ay ang namamahalang patnugot ng magasin mula Mayo 2006 hanggang Oktubre 2013, bago siya pumasok sa U.S. State Department.[3][4] Humalili naman si Nancy Gibbs kay Stengel bilang namamahalang patnugot noong Oktubre 2013.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
