animadong pelikulang Amerikano noong 1977 na gawa ng Walt Disney Productions From Wikipedia, the free encyclopedia
Ang The Rescuers ay isang animadong pelikulang Amerikano na nasa mga uring abentura at komedya-drama na ginawa ng Walt Disney Productions at inilabas noong 1977 ng Buena Vista Distribution. Ginampanan nina Bob Newhart at Eva Gabor ang papel nina Bernard at Bianca, dalawang bubuwit na miyembro ng Rescue Aid Society, isang internasyonal na organisasyon ng bubuwit na nakatuon sa pagtulong sa mga biktima ng pagdukot sa buong mundo. Kailangang palayain nilang dalawa si Penny, isang 6 na taong gulang na ulila (tininigan ni Michelle Stacy), mula sa dalawang tagahanap ng kayamanan (ginampanan nina Geraldine Page at Joe Flynn), na may balak na gamitin siya para makakuha ng higanteng diyamante. Nakabatay ang pelikula sa isang serye ng mga libro ni Margery Sharp, kabilang ang The Rescuers (1959) at Miss Bianca (1962).
The Rescuers | |
---|---|
Direktor |
|
Prinodyus | Wolfgang Reitherman |
Kuwento |
|
Ibinase sa | The Rescuers (aklat) Miss Bianca ni Margery Sharp |
Itinatampok sina |
|
Musika | Artie Butler |
In-edit ni |
|
Produksiyon | Walt Disney Productions |
Tagapamahagi | Buena Vista Distribution |
Inilabas noong |
|
Haba | 77 mga minutos |
Bansa | Estados Unidos |
Wika | Ingles |
Badyet | $7.5 milyon |
Kita | $169 milyon[1] |
Noong 1962, sinimulan ang pagbubuo ng maagang bersiyon ng The Rescuers, ngunit isinantabi dahil sa pagkaayaw ni Walt Disney sa mga politikal na pahiwatig nito. Noong d. 1970, muling binuhay ang pelikula bilang proyektong inilaan para sa mga nakababatang animador, sa pangangasiwa ng mga nakatatanda. Apat na taon ang ginugol sa paggawa ng pelikula. Inilabas ang The Rescuers noong Hunyo 22, 1977, na may positibong tugon mula sa mga kritiko at nagtagumpay sa takilya, at nakakita ng $48 milyon kontra sa badyet ng $7.5 milyon noong patiunang palabas nito sa sine. Mula noon, nakakita ito ng $169 milyon pagkatapos ng dalawang muling pagpapalabas noong 1983 at 1989. Dahil sa pagtatagumpay ng pelikula, nasundan ito ng The Rescuers Down Under na inilabas noong 1990, at naging unang animadong pelikula ng Disney na nagkaroon ng karugtong.
Noong 1959, nailathala ang aklat na The Rescuers ni Margery Sharp, at di-mumunti ang pagtagumpay nito. Noong 1962, nakagawa si Sharp ng kasunod na pinamagatang Miss Bianca. Sa parehong taon, pinili ni Walt Disney ang mga aklat, at inumpisa niya ang pagbubuo ng animadong adaptasyon sa pelikula. Noong Enero 1963, nagsulat ng tratamiyento si Otto Englander, isang story artist, batay sa unang aklat, na nakasentro sa isang makatang Noruwego na hindi patas na nakakulong sa isang mala-Siberya na kuta na kilala bilang The Black Castle.[2]:49 Binago ang kuwento, at pinalitan ang lokasyon ng Kuba, kung saan tutulungan ng mga bubuwit ang makata para makatakas patungo sa Estados Unidos.[3] Subalit, dahil nakialam nang hayagan ang kuwento sa internasyonal na intriga, isinantabi ng Disney ang proyekto dahil hindi siya nagsaya sa mga bahid sa politika.[4] Noong Agosto 1968, nagsulat si Englander ng isa pang tratamiyento na nagtatampok kay Bernard at Bianca sa pagliligtas kay Ricardo, Ang Pusong Leon noong Edad Medya.[2]:49
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.