Sementeryo
From Wikipedia, the free encyclopedia
Ang sementeryo, binabaybay ding simenteryo, na kilala rin bilang huling hantungan, himlayan ng mga patay, kampo santo, at pantiyon ay isang uri ng libingan.[1][2] Isa itong pook kung sa inililibing ang mga patay na katawan at mga labi ng kremasyon. Ipinahihiwatig ng salitang sementeryo (na nagmula sa Griyegong κοιμητήριον: "pook na tulugan") na ang lupain ay partikular na inilaan bilang isang lupaing libingan. Ito ang lugar kung saan ginagawa ang panghuling mga seremonya. Nagkakaiba-iba ang mga rito o gawaing ito ayon sa gawaing pangkultura at paniniwalang pangpananampalataya.