From Wikipedia, the free encyclopedia
Si Samael (Hebreo: סַמָּאֵל, Sammāʾēl, "Lason ng Diyos") ay isang arkanghel sa Talmud at sa Midrash ng Aklat ng Exodo ay si Satanas. Siya ay binanggit sa Aklat ni Enoc bilang isa sa mga Nagmamasid na bumaba sa mundo at nakipagtalik sa mga babaeng tao.[1] Sa Griyegong Apocalipsis ni Baruc, siya ay isang pigurang masama at nagtanim sa Puno na Kaalaman at pagkatapos ay pinalayas at sinumpa ng Diyos(257–60). Bilang paghihiganti, tinukso niya sina Adan at Eba na magkasala sa anyo ng ahas. Sa Pag-akyat ni Isaias, siya ay tinawag na Melkira (Hebrew: מלך רע, melek ra, hari ng kasamaan);Malkira / Malchira (מלאך רע, malakh/malach ra, sugo ng kasamaan o anghel ng kasamaan);Belkira (prob. בעל קיר, baal qir, 'panginoon ng dingding'); o Bechira (בחיר רע, bachir ra, ang hinirang ng masama).
Sa Apocryphon ni Juan, Tungkol sa Pinagmulan ng Mundo, at Hypostasis ng mga Archon na matatagpuan sa Aklatang Nag Hammadi, si Samael ang isa sa mga demiurge na ang ibang pangalan ay Yaldabaoth at Saklas. Pagkatapos angkinin ni Yaldabaoth ang pagiging isang tunay na Diyos ang tinig ni Sophia ay lumitaw na tumatawag sa kanyang Samael dahil sa kanyang kamangm.[2][3] Sa Tungkol sa Pinagmulan ng Mundo ang kanyang pangalan ay ipinaliwanag bilang ang "bulag na diyos" kasama ng mga kasamang Archon. Ito ay sumasalim sa mga katangian ng Diablong Kristiyano gaya ng Diablo sa 2 Corinto kapitulo 4. Si Samael rin ang unang nagkasala sa Hypostasis ng mga Archon.[4] Ang anyo ni Samael ay isang ahas na mukhang leon.[5][6]:266
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.