Si Sir Richard Owen, FRS KCB (20 Hulyo 1804 – 18 Disyembre 1892) ay isang Ingles na biyologo, anatomong komparatibo, at paleontologo. Marahil, pinaka naaalala si Owen sa kasalukuyan dahil sa pag-imbento ng salitang Dinosauria (na may kahulugang "Kakila-kilabot na Reptilya" o "Nakakatakot na Malaking Reptilya") at dahil sa kaniyang tahasang pagsasalita laban sa teoriya ng ebolusyon ni Charles Darwin na nagaganap sa pamamagitan ng likas na pagpili. Sumang-ayon siya kay Darwin na ang ebolusyon ay naganap, subalit inisip niya na mas masalimuot ito kaysa sa nakabanghay sa akdang Origin ni Darwin.[1] Ang pagharap ni Owen sa ebolusyon ay maaaring tanawin bilang umasam sa mga paksang nagkamit ng mas malaking pagpansin dahil sa kamakailang paglitaw ng ebolusyonaryong biyolohiyang pangkaunlaran.[2] Noong 1881, siya ang nasa likod na lakas na nagpausad ng paglulunsad ng Museong Britaniko (Likas na Kasaysayan) na nasa Londres.[3] Ipinangatwiran ni Bill Bryson na ang paggawa sa Museo ng Likas na Kasaysayan bilang isang institusyon na para sa lahat, binago ni Owen ang ating mga inaasahan sa kung ano ang layunin ng mga museo.[4]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
