Rayon
From Wikipedia, the free encyclopedia
From Wikipedia, the free encyclopedia
Ang rayon (Ingles: Rayon, Kastila: Rayón) ay isang sintetikong hibla, sinulid o tela, o pibrang gawa ng tao.[1][2] Bilang uri ng hibla, bunot, o pibra, isang itong pinanariwa (nagdaan sa rehenerasyon) o muling sinariwang selulosa. Nanggagaling ang rayon mula sa halamang bulak o kahoy. Sa pangkalahatan, ikinakalakal ang rayon sa ilalim ng markang Avril, ngunit mayroon pang ibang mga tatak ito batay sa uri ng rayon.[2]
Kabilang sa mga uri ng rayon ang asetato (Ingles: acetate, Kastila: acetato), rayong kupramonyum, rayong kupramonyo, o kupramonyong rayon (Ingles: cuprammonium rayon), at malapot na rayon (Ingles: viscose rayon).[2]
Kabilang sa mga tatak pangkalakal ng asetato ang Estron at Arnel (triasetato o triacetate sa Ingles). Pangunahing ginagamit ang asetato sa paggawa ng mga kasuotan, mga kumot, mga alpombra, at sa pagtatapete.[2]
Ang rayong kupramonyo ay pangunahing ginagamit sa paggawa ng mga mamahaling mga damit o kasuotang maluho. Ikinakalakal ang kupramonyong rayon sa ilalim ng pangalang Cuprammonium Rayon at Bemberg.[2]
Ikinakalakal ang rayong malapot sa ilalim ng tatak na Fortisan. Pangunahing ginagamit ito sa paggawa ng mga kasuotan, mga pamalisan at alpombra, mga kumot, may palamuting mga tela, at mga bagay o kagamitang naitatapon kaagad pagkaraan lamang ng isang gamitan.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.