Pambansang Awit ng Mehiko
From Wikipedia, the free encyclopedia
Ang Pambansang Awit ng Mehiko (Espanyol: "Himno Nacional Mexicano"), o kilala rin sa unang taludtod nito, Mga Mehikano, sa sigaw ng digmaan (Espanyol: "Mexicanos, al Grito de Guerra"), ay ang pambansang awit ng Mehiko. Unang ginamit ang himnong ito noong 1854, bagamat hindi pa opisyal na pinagtibay hanggang 1943. Ang titik ng pambansang awit, na nagpapahiwatig sa mga makasaysayang pagtatagumpay ng mga hukbong Mehikano sa gitna ng pakikipaglaban at kabilang ang mga sigaw ng pagtatanggol sa lupang kanilang sinilangan, ay nilikha ng isang makatang si Francisco González Bocanegra noong 1853. Noong 1854, nilikha ni Jaime Nunó ang musikang kasama na sa tula ni González. Ang pambansang awit na ito ay kinabibilangan ng sampung saknong at isang koro, na mabisang ginagamit noong ika-16 ng Setyembre, 1854.