![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a7/StreetfoodNY.jpg/640px-StreetfoodNY.jpg&w=640&q=50)
Pagkaing kalye
From Wikipedia, the free encyclopedia
Ang pagkaing kalye ay pagkain o inumin na handa nang ikonsumo na ibinebenta ng isang maglalako, o magtitinda sa kalye o iba pang pambulikong lugar, tulad ng palengke o pamilihan. Kadalasan itong ipinagbibili sa isang nalilipat-lipat na food booth,[1] food cart, o food truck at sinadya para sa agarang pagkokonsumo. Panrehiyon ang iilang mga pagkaing kalye, ngunit mararami rin ang kumalat sa labas ng kani-kanilang rehiyon ng pinagmulan. Kapwa nauuri ang karamihan ng mga pagkaing kalye bilang kukutin at agarang pagkain, at karaniwang mas mura kaysa sa mga ulam sa restawran. Nag-iiba-iba ang mga uri ng pagkaing kalye sa bawat rehiyon at kultura sa mga iba't ibang bansa sa mundo.[2] Ayon sa isang pagsusuri noong 2007 mula sa Organisasyon ng Pagkain at Agrikultura, 2.5 bilyong katao ang kumakain ng pagkaing kalye bawat araw.[3] Umaasa ang karamihan ng mga mamimiling may mababa at katamtamang kita[4] sa mabilis na pag-akses at murang serbisyo ng pagkaing kalye para sa pang-araw-araw na nutrisyon at oportunidad sa trabaho, lalo na sa mga nagpapaunlad na bansa.
![Thumb image](http://upload.wikimedia.org/wikipedia/commons/thumb/a/a7/StreetfoodNY.jpg/640px-StreetfoodNY.jpg)
![](http://upload.wikimedia.org/wikipedia/commons/thumb/c/c3/StreetFoodYangon.jpg/640px-StreetFoodYangon.jpg)
![Thumb image](http://upload.wikimedia.org/wikipedia/commons/thumb/8/81/Adidas.jpg/640px-Adidas.jpg)
Ngayon, binibili ng mga tao ang pagkaing tao sa ilang kadahilanan, tulad ng kaginhawaan, pagkuha ng masarap na pagkain sa makatuwirang presyo sa makakapaghalubilong lugar, pagtikim ng mga lutuing etniko, o para sa pananabik sa nakaraan.[5]
Kabilang sa mga sumisidhing pagkabahala ng pagkaing kalye ang panganib sa kalusugan at problema sa sanitasyon, ilegal na paggamit ng mga pampublikong o pribadong lugar, mga suliraning panlipunan at etikal, at pagsisikip ng trapiko.[4]