Oncorhynchus clarkii
From Wikipedia, the free encyclopedia
Ang Oncorhynchus clarkii (Ingles: cutthroat trout) ay isang espesye ng isdang pangtubig-tabang na nasa loob ng pamilya ng mga salmon ng ordeng Salmoniformes.[2] Isa ito sa maraming mga espesye ng mga isdang pangkaraniwang nakikilala bilang mga trout sa Ingles (trucha sa Kastila, kaya't matatawag na "trutsa" sa Tagalog). Ang lahat ng mga subespesye o kabahaging espesye ng mga Oncorhynchus clarkii ay tanyag na hinuhuling isda, natatangi na sa mga namamansing o namimingwit na nasisiyahan sa libangang pangingisda. Ilan sa mga katutubong espesye ng mga Oncorhynchus clarkii ang kasalukuyang nakatala bilang nanganganib na mga espesye, pangkalahatang dahil sa pagkawala ng tahanan at pagpapakilala ng mga espesyeng hindi katutubo.
Ang article ay isang Ulila, dahil walang ibang mga artikulo ang naka-link dito. Mangyaring mula sa ipinakilala ang mga link sa pahinang ito mula sa mga kaugnay na artikulo; subukan mo ang Find link tool para sa mga mungkahi. (Setyembre 2019) |
Cutthroat Trout | |
---|---|
Greenback cutthroat trout, O. c. stomias | |
Klasipikasyong pang-agham | |
Kaharian: | |
Kalapian: | |
Hati: | |
Orden: | Salmoniformes |
Pamilya: | |
Sari: | Oncorhynchus |
Espesye: | O. clarkii |
Pangalang binomial | |
Oncorhynchus clarkii (J. Richardson, 1836)[1] | |
Mga subespesye | |
Oncorhynchus clarkii clarki |
Ayon sa magasing National Geographic, nakatagpo ng mga eksplorador ng Estados Unidos na sina Lewis at Clark ang isdang ito habang isinasagawa nila ang kanilang panggagalugad o ekspedisyong transkontinental sa dalampasigan ng Pasipiko mula 1804 hanggang 1806, kaya't naging pagkain para sa mga mambibitag na pakanluran, mga minero, at mga kawani sa daang-bakal. Dahil sa pagrarantso, pagmimina, at pagtotroso, nawala ang karamihan sa orihinal na tahanan ng mga isdang ito.[3]