From Wikipedia, the free encyclopedia
Ang New Clark City (tinatawag din bilang Clark Green City at New Clark Green City) ay isang planadong lungsod na itinatayo sa Capas, Tarlac, Pilipinas. Ito ay may lawak na 9,450 ektarya at pagnatapos ay maaaring maging tahanan ng humigit-kumulang 1.2 milyong katao.
New Clark City | ||
---|---|---|
Planadong lungsod | ||
Mga koordinado: 15°19′20.2″N 120°30′21.4″E | ||
Bansa | Philippines | |
Rehiyo | Gitnang Luzon | |
Probinsya | Tarlac | |
Bayan | Capas Bamban | |
Economic zone | Clark Special Economic Zone | |
Namamahala | Bases Conversion and Development Authority | |
Lawak | ||
• Kabuuan | 94.50 km2 (36.49 milya kuwadrado) | |
Pinakamataas na pook | 800 m (2,600 tal) | |
Pinakamababang pook | 54 m (177 tal) | |
Sona ng oras | UTC+8 (PST) | |
Websayt | newclarkcityph.com |
Ipinangalan ang lungsod na "Clark" dahil mas kilala ito ng mga namumuhunan, kahit na ang lungsod ay nasa Tarlac at wala sa Pampanga (kung saan naroroon ang Clark Freeport Zone). Inihalintulad ito sa kaso ng Subic Bay Freeport Zone na matatagpuan sa Olongapo at Morong, Bataan, at wala sa Subic, Zambales.[1]
Ang ginagawang hugnayan ng mga pook-palakasan sa New Clark City ay binubuo ng nayon ng mga atleta, pantubig na pook-palakasan, at isang istadyum na maaring mag-upo ng 20,100 katao. Inaasahan sa New Clark City gaganapin ang Palaro ng Timog Silangang Asya 2019.
Ang pinaplanong linya na Maynila-Clark ng Pambansang Daambakal ng Pilipinas ang mag-uugnay sa New Clark City at sa kabisera ng bansa, ang Maynila. Ang Estasyong daangbakal ng New Clark City ang pangunahing estasyon na inaasahang maglilingkod sa lungsod.
Ang NCC ay maaaring mapuntahan gamit ang Subic–Clark–Tarlac Expressway at ang Central Luzon Link Expressway. Mapupuntahan din ang lungsod sa pamamagitan ng Daang New Clark City-Mac Arthur na konektado sa Lansangang MacArthur.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.