![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cd/Toni_Ann-Singh_Miss_World_2019.jpg/640px-Toni_Ann-Singh_Miss_World_2019.jpg&w=640&q=50)
Miss World 2019
From Wikipedia, the free encyclopedia
Ang Miss World 2019 ay ang ika-69 na edisyon ng Miss World pageant, na ginanap sa ExCeL London sa Londres, Reyno Unido noong 14 Disyembre 2019.[1][2]
Miss World 2019 | |
---|---|
![]() Toni-Ann Singh, Miss World 2019 | |
Petsa | Disyembre 14, 2019 |
Presenters |
|
Entertainment |
|
Pinagdausan | ExCeL London, Londres, Reyno Unido |
Brodkaster |
|
Lumahok | 111 |
Placements | 40 |
Hindi sumali | |
Bumalik | |
Nanalo | Toni-Ann Singh![]() |
Pagkatapos ng kompetisyon, kinoronahan ni Vanessa Ponce ng Mehiko si Toni-Ann Singh ng Hamayka bilang Miss World 2019.[3][4] Ito ang ikaapat na tagumpay ng Hamayka sa kasaysayan ng kompetisyon.[5] Nagtapos bilang first runner-up si Ophély Mézino ng Pransiya, habang nagtapos bilang second runner-up si Suman Rao ng Indiya.[6][7]
Mga kandidata mula sa 111 bansa at teritoryo ang lumahok sa kompetisyong ito. Pinangunahan nina Peter Andre, Miss World 2013 Megan Young, Miss World 2016 Stephanie Del Valle at Fernando Allende ang kompetisyon.[8] Nagtanghal sina Peter Andre, Lulu, Misunderstood, at Kerry Ellis sa edisyong ito.[9]