From Wikipedia, the free encyclopedia
Ang McDonald's Corporation o McDonalds (kilala sa Pilipinas bilang McDo) (NYSE:MCD) ay ang pinakamalaking fast-food chain ng restawran ng mga hamburger. Nagsimula ang kompanya noong 1940 bilang isang restawran ng ihaw-ihaw na pinamamahalaan nina Richard at Maurice McDonald kung saan hinango ang pangalan ng kompanya; Sumali ang negosyanteng si Ray Kroc sa kompanya at naging ahente ng prangkisiya noong 1955. Lumaon ay binili niya ang kompanya mula sa magkapatid.[1] Ang McDonald's ay nagkaroon ng dati nitong punong-tanggapan sa Oak Brook, Illinois, ngunit inilipat ang pandaigdigang punong-tanggapan nito sa Chicago noong Hunyo 2018.[2][3][4][5] Ang McDonald's ay isa ring kumpanya ng real estate sa pamamagitan ng pagmamay-ari nito sa lahat ng lokasyon ng mga restawran.[6]
![]() | |
Uri | Pampublikong kompanya |
---|---|
Industriya | Restoran |
Itinatag | 15 Mayo 1940 sa San Bernardino, California; McDonald's Corporation, 15 Abril 1955 sa Des Plaines, Illinois |
Nagtatag | Richard at Maurice McDonald McDonald's restaurant concept; Ray Kroc, Nagtatag ng McDonald's Corporation. |
Punong-tanggapan | Oak Brook, Illinois, Estados Unidos. |
Produkto | Fast food |
Kita | 23,182,600,000 Dolyar ng Estados Unidos (2022) ![]() |
Kita sa operasyon | 9,371,000,000 Dolyar ng Estados Unidos (2022) ![]() |
Netong kita | 6,177,400,000 Dolyar ng Estados Unidos (2022) ![]() |
Kabuuang pag-aari | 52,626,800,000 Dolyar ng Estados Unidos (2020) ![]() |
Dami ng empleyado | 200,000 (2020) ![]() |
Website | McDonalds.com McDonalds.com.ph |
Ang McDonald's ay ang pinakamalaking fast food restaurant chain sa buong mundo,[7] na naglilingkod sa mahigit 69 milyong mamimili araw-araw sa loob ng lagpas 100 bansa[8], kung saan mayroon itong mahigit 40,000 outlet noong 2021.[9][10] Kilala ang McDonald's sa mga hamburger, cheeseburger at french fries nito, bagama't kasama rin sa kanilang menu ang iba pang mga item tulad ng manok, isda, prutas, at salad. Ang kanilang pinakamabentang lisensyadong item ay ang kanilang french fries, na sinusundan ng Big Mac.[11] Ang mga kita ng McDonald's Corporation ay nagmumula sa renta, royalties, at bayad na binayaran ng mga franchisee, pati na rin sa mga benta sa mga kainan na pinapatakbo ng kumpanya. Ang McDonald's ay ang pangalawang pinakamalaking pribadong tagapagbigay ng trabaho sa mundo na may 1.7 milyong empleyado (sa likod ng Walmart na may 2.3 milyong empleyado).[12][13] Noong 2022, ang McDonald's ay may pang-anim na pinakamataas na global brand valuation.[14]
Dahil sa tagumpay na natamasa ng McDonald's sa pandaigdigang merkado, ang kompanyang ito ay naging simbolo ng globalisasyon at ang nagpakalat ng kung paano mamuhay ang mga Amerikano. Ang pagiging prominente nito rin ang nagdulot para maging dahilan ng mga debate tungkol sa obesidad at ang responsibilidad sa mga konsumer.
Mula 1980, mayroon nang 300 sangay ang McDonald's sa Pilipinas mula Laoag hanggang Zamboanga.[kailangan ng sanggunian] Ang mga celebrity endorser ng restaurant na ito na kabilang ay sina Sharon Cuneta, Jasmine Trias (American Idol 2004 Runner-up), Edu Manzano, Dolphy, at Richard Gomez (na dating nagtrabaho sa McDonald's bago pumasok sa showbiz noong 1980s).[kailangan ng sanggunian]
Ang Jollibee ay isa sa mga pangunahing kakumpetensya ng McDonald's sa Pilipinas. Noong 1975, ang Jollibee ay nagsimula bilang tagatinda ng sorbetes sa Lungsod ng Quezon. Ito ay itinaguyod nina Tony Tan Caktiong at Ernesto Tanmantiong. Noong 1981, dahil sa pagkilala ng McDonald's sa merkado ng mga Pilipino, nagkaroon ng ambisyon ang dalawa na makipagkumpetensya sa dayuhang kumpanya. Ayon sa panayam ng CNBC, sinabi ni Tanmantiong na ang dahilan ng tagumpay ng Jollibee ay dahil sa Panlasang Pilipino ng kanilang produkto. Noong 2019, ang Jollibee ay mayroong mahigit 3,500 na restawran sa buong bansa at mahigit 1,000 restawran sa ibang bansa.[15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.