![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/06/Venn01.svg/langtl-640px-Venn01.svg.png&w=640&q=50)
Komplemento (teorya ng pangkat)
From Wikipedia, the free encyclopedia
Sa teorya ng pangkat, ang komplemento (mula Kastila complemento, Ingles: complement) ng pangkat na A ay ang lahat ng mga elementong wala sa A.[1] Madalas itong isinusulat sa anyong Ac o A'.[2][3]
Kung ikokonsidera na ang lahat ng mga pangkat na sangkot ay mga subpangkat ng isang pangkat na U, ang ganap na komplemento (Ingles: absolute complement) ng A ay ang lahat ng elemento sa U na wala sa A. Samantala, ang kaugnay na komplemento o relatibong komplemento (Ingles: relative complement) ng pangkat na A kumpara sa B ay ang pangkat ng mga elementong nasa pangkat na B na wala sa A. Kilala rin ito sa tawag na kaibahan ng pangkat o diperensiya ng pangkat (Ingles: set difference), at isinusulat sa anyong B \ A.[2]