Juan Maria Vianney
From Wikipedia, the free encyclopedia
Si San Juan Bautista Maria Vianney (Ingles: Saint Jean-Baptiste-Marie Vianney, Kastila: San Juan Bautista María Vianney) (Dardilly, 8 Mayo 1786 - Ars, 4 Agosto 1859) ay isang kura parokong Pranses na naging isang Katolikong santo at patrong santo ng mga kura paroko. Malimit siyang tinatagurian bilang "Curé d'Ars" o "Kura ng Ars", o "ang kura paroko ng nayon ng Ars-sur-Formans". Naging pandaigdigan ang kanyang katanyagan dahil sa kanyang gawain bilang pari at pastor sa kanyang parokya dahil sa radikal na transpormasyong espirituwal ng pamayanan at mga kapaligiran nito.
Noong Marso 2009, ipinahayag ni Papa Benedikto XVI ang pagiging Unibersal na Patron ng mga Pari ni San Juan Vianney para sa pagdiriwang ng Taon ng mga Pari mula 19 Hunyo 2009 hanggang 19 Hunyo 2010, at para sa okasyon ng ika-150 anibersaryo ng kamatayan ng santong ito.[1][2]