![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f1/Gary_Valenciano_in_Toronto_2014_02.jpg/640px-Gary_Valenciano_in_Toronto_2014_02.jpg&w=640&q=50)
Gary Valenciano
From Wikipedia, the free encyclopedia
Si Edgardo Jose "Gary" Santiago Valenciano (ipinanganak noong 6 Agosto 1964), na kilala rin bilang Gary V. at Mr. Pure Energy, ay isang mang-aawit, mananayaw at kompositor mula sa Pilipinas. Naglabas si Valenciano ng 26 album, at nanalo sa Awit Awards para sa "Best Male Performer" nang 11 ulit. Noong 1998, siya ang naging kauna-unanhang Pambansang Embahador ng UNICEF Philippines. Kabilang sa kaniyang mga tanyag na awitin ang "'Di Bale Na Lang", "Eto Na Naman", "Sana Maulit Muli", "Natutulog Ba Ang Diyos?", "Gaya ng Dati", "Pasko Na, Sinta Ko" at "Narito".
Gary Valenciano | |
---|---|
![]() Si Gary Valenciano sa Toronto noong 2014 | |
Kabatiran | |
Pangalan noong ipinanganak | Edgardo Jose Santiago Valenciano |
Kilala rin bilang | Gary V., Mr. Pure Energy |
Kapanganakan | (1964-08-06) 6 Agosto 1964 (edad 59) Santa Mesa, Maynila[1] |
Pinagmulan | Maynila, Pilipinas |
Genre | Inspirational, pop, OPM |
Trabaho | Mang-aawit, Kompositor, Aktor, Mananayaw |
Instrumento | tinig, Keyboard, Perkusyon |
Taong aktibo | 1983–kasalukuyan |
Label | Dati: WEA, Universal Records (Philippines) |
Website | GaryV.com |
Kasalukuyan siyang bahagi ng ABS-CBN, at madalas siyang napipiling umawit para sa mga awit na pangteleserye ng mismong estasyon at ng mga pelikula ng Star Cinema.
Pinagkalooban si Gary Valenciano ng ASAP Elite Platinum Circle Award for 2008 para sa kaniyang mga pambihirang natamong tagumpay sa local na panghimig na industriya. Sa higit na tatlong dekada sa industriyang panghimig, ginantimpalaan siya ng 5 platinum albums, 4 na dobleng platinum albums, 3 tripleng platinum albums, at 2 sekstuple (anim na ulit) na platinum albums.