From Wikipedia, the free encyclopedia
Ang Betamax (kilala din bilang Beta, na nakalagay sa logo nito) ay isang pang-konsyumer na analogong pang-rekord at pormat na cassette ng magnetikong teyp para sa bidyo, na karaniwang kilala bilang isang video cassette recorder (o cassette pang-bidyo na pang-rekord). Ginawa ito ng Sony at nailabas sa bansang Hapon noong Mayo 10, 1975,[1] at sumunod ang Estados Unidos noong Nobyembre ng parehong taon.
Tinuturing na lipas na ang Betamax na natalo sa digmaan ng pormat ng videotape[2] na nakitang nagdomina sa merkado ang pinakamalapit na kalaban, ang VHS.[3] Sa kabila nito, patuloy ang paggawa at pagbenta ng mga pang-rekord na Betamax haggang Agosto 2002, nang ipinabatid ng Sony na hindi na nila ipagpapatuloy ang produksyon na lahat ng natitirang modelo ng Betamax. Patuloy na nagbenta ang Sony ng mga cassette ng Betamax hanggang Marso 2016.[4][5]
Sa pelikula ni David Cronenberg noong 1983 na Videodrome, ang karakter ni Max Renn ay nag-uusbong ng isang lagusan sa kanyang tiyan na tumatanggap ng teyp ng Betamax. Napili ang pormat na Betamax dahil bahagyang mas maliit ito kaysa cassette ng VHS, at kaya naging madali gawin ang prosthetics.[6]
Sa kabanatang "Speak Like a Child" ng anime na Cowboy Bebop, nakatanggap sina Jet at Spike ng isang teyp ng Betamax sa pamamagitan ng koreo na para kay Faye. Pumunta sa isang tindahan sina Jet at Spike sa pag-asang makakahanp ng isang player ng Betamax, na nagawa nila, subalit nasira ito sa kalaunan na hindi na makukumpuni dahil sa pagkainip ni Spike sa lumang kagamitan.[7]
Tinatalakay ng awiting Tagalog na "Betamax" ng bandang Pilipinong Sandwich na mula sa kanilang ikalimang album pang-istudiyo noong 2008 na pinamagatang <S> Marks the Spot ang isang panahon sa Pilipinas bago ang pagdating ng Internet, MP3, at DVD, at Betamax lamang ang tanging pormat pang-bidyo.[8] Sa Pilipinas din, tumutukoy ang Betamax sa isang tanyag na tinuhog na nakakubong (cubed) pagkaing kalye na gawa sa dugo ng manok o baboy na mukhang videocassette ng Betmax.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.