![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/36/APO_Hiking_Society_performing_in_May_2010.jpg/640px-APO_Hiking_Society_performing_in_May_2010.jpg&w=640&q=50)
APO Hiking Society
From Wikipedia, the free encyclopedia
Ang Apolinario Mabini Hiking Society, na mas tanyag na kilala bilang APO Hiking Society, o simpleng APO lamang, ay isang pangmusikang Pilipino pangkat at isa sa mga haligi ng Orihinal na Pilipinong Musika (o Original Pilipino Music o OPM) na binubuo nina Danny Javier, Jim Paredes, at Boboy Garrovillo.[2] Ngayon, ang grupo binubuo lang sina Paredes at Garrovillo bilang duo.
APO Hiking Society | |
---|---|
![]() Ang APO Hiking Society ay nag-perform noong 2010. Mula sa kaliwa tungo sa kanan: Boboy Garrovillo, Danny Javier, at Jim Paredes | |
Kabatiran | |
Pinagmulan | Lungsod Quezon, Pilipinas |
Genre |
|
Taong aktibo | 1969 (1969)–2010 (2010) 2022–kasalukyan (occasional performances) |
Label |
|
Miyembro | Jim Paredes Boboy Garovillo |
Dating miyembro | John Paul Micayabas Kenny Barton Doden Besa Bruce Brown Gus Cosio Butch Dans Renato Garcia Danny Javier Lito de Joya Chito Kintanar Goff Macaraeg Sonny Santiago Kinjo Sawada Ric Segreto |
Website | apohikingsociety.org |
Nagsimula ang grupo noong 1969 sa mataas na paaralan ng Ateneo de Manila na may 15 miyembro[2] na sina John Paul Micayabas, Lito de Joya, Sonny Santiago, Gus Cosio, Renato Garcia, Chito Kintanar, Kenny Barton, Bruce Brown, Butch Dans, Kinjo Sawada, Ric Macaraeg, Goff Macaraeg, Doden Besa, Jim Paredes, Boboy Garovillo, at ang ika-16 na kasapi na si Danny Javier na sumali noong nasa kolehiyo na sila. Nagmula ang pangalan ng pangkat sa akronimo ng mataas na paaralan nila, ang AMHS, at binago nila ito upang magbigay reperensya sa rebolusyonaryo at bayaning Pilipino na si Apolinario Mabini, at pinaikli kalaunan sa "Apo", isang katawagang Ilokano para sa "lolo" o "lola", o katagang panggalang sa nakakatanda (kilala man o hindi). Sa wikang Tagalog, kabaligtaran naman ang kahulugan dahil tumutukoy ang "apo" sa anak ng anak ng isang ama o ina (na lolo o lola ni apo). Sa kalaunan, naging "APO" (lahat kapital) ang pangalan ng grupo nila.