Андрей Абдувалиев

Андрей Абдувалиев (Абдувалиев Андрей Ҳакимович; 30 июни 1966, Ленинград) — варзишгар, гурзпартои Тоҷикистон ва Ӯзбекистони Шӯравӣ, устоди хизматнишондодаи варзиш. Чемпиони Бозиҳои олимпии тобистона 1992 дар гурзпартоӣ. Чемпиони дукаратаи ҷаҳон оид ба варзиши сабук (1993, 1995). Рекорди инфиродӣ — 83,46 м (1990). Чемпиони ИҶШС (1991)^[2]. Устоди хизматнишондодаи варзиши ИҶШС (1992).

Варзиши сабук Андрей Абдувалиев
Абдувалиев Андрей, Устоди шоистаи варзиши ИҶШС
Иттилооти умумӣ
Номи пурра	Абдувалиев Андрей Ҳакимович
Сана ва маҳалли таваллуд	30 июн 1966(1966-06-30)[1] (58 сол) Ленинград
Шаҳрвандӣ	Тоҷикистон  Ӯзбекистон  ИҶШС
IAAF
Рекордҳои шахсӣ
Гурзпартоӣ	83,46 м
Медалҳои байналмилалӣ
Бозиҳои олимпӣ Тилло Барселона 1992 гурзпартоӣ Чемпионатҳои ҷаҳон Тилло Штуттгарт 1993 гурзпартоӣ Тилло Гётеборг 1995 гурзпартоӣ Бозиҳои Осиё Нуқра Бангкок 1998 гурзпартоӣ Бозиҳои Осиëи Марказӣ Тилло Тошкант 1995 гурзпартоӣ Чемпионатҳои Осиë Тилло Фукуока 1998 гурзпартоӣ Унвонҳои фахрии варзишӣ

Зиндагинома

Хатмкардаи Донишкадаи тарбияи ҷисмонии Тоҷикистон (1987).

Аз соли 1993 дар Ӯзбекистон зиндагӣ мекунад. Пас аз анҷоми касби варзишӣ аз соли 2000 ӯ ҳамчун котиби генералии Федератсияи варзиши сабуки Ӯзбекистон, сармураббии дастаи мунтахаби миллӣ кор карда истодааст.

Дастовардҳо

Чемпиони Бозиҳои Олимпӣ (Барселона, 1992), чемпиони дукаратаи ҷаҳон (Штуттгарт, 1993; Гётеборг, 1995), дорандаи Ҷоми ҷаҳон (Лондон, 1994), соҳиби медали нуқраи Бозиҳои иродаи нек (ИМА, 1990), чемпиони Спартакиадаи халқҳои ИҶШС (1991), чемпиони СССР (1991). Натиҷаи беҳтаринаш дар гурзпартоӣ 83 м 46 см (Сочи, 1990).

Эзоҳ

1. https://worldathletics.org/athletes/-/14255895
2. Газета «Советский спорт», Бойгонӣ шудааст 28 августи 2016  сол. 30 июня 2010, № 94 (18151).

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.