Маҳима Чаудҳарӣ— (англ. Mahima Chaudhary), ном ҳангоми таваллуд Рита (тав. 13 сентябр соли 1973, Дарҷилинг, Бенгалистони Ғарбӣ, Ҳиндустон ) — ҳунарпешаи ва модели ҳинд. Баъди бурди шоҳҷоизаи Бонуи Ҳиндустон-1990, Маҳима дар таблиғот ва роликҳои телевизионӣ ҳамчун модел фаъолият мекард, то он даме ки руй ба синамо ниҳод. Маҳима дар таблиғи Pepsi бо ҳунармандон Айшвария Рай ва Амирхон бозидааст. Аввалин филми ӯ «Умедҳои фиребхурда» (англ. Pardes, 1997) ва се филми паиҳаме, ки бо иштироки Маҳима ба навор гирифта шудааст, ӯро ба ҷаҳониён муаррифӣ кардаанд[1].
| англ. Mahima Chaudhry | |
 | |
| Ном ба ҳангоми таваллуд: | Рита Чаудҳарӣ |
| Таърихи таваллуд: | 13 сентябр 1973 (50 сол) |
| Зодгоҳ: | Дарҷилинг, Бенгалистони Ғарбӣ, Ҳиндустон |
| Шаҳрвандӣ: |
 Ҳиндустон |
| Касб: | мудел, бозигари синамо, ҳунарпешаи телевизион |
| Корнома: | 1997 - то ҳол |
| Ҷоизаҳо: | Filmfare Awards |
| IMDb: | ID 0154274 |
 Парвандаҳо дар Викианбор | |
Зиндагинома
Маҳима Чаудҳарӣ 13 сентябри соли 1973 дар Дарҷилинги Ҳиндустон ба дунё омадааст. Ӯ мактаби Dow Hill-и Курсеонги Дарҷилинг-ро хатм намудааст. Маҳима маълумоти олиро бо дараҷаи бакалавр дар коллеҷи Лорето гирифтааст, аммо ӯ бо ихтисоси худ кор накардааст[2]. Ҳунарпешаҳои дӯстдоштааш Шоҳруххон ва Ҷуҳӣ Чавла мебошанд.
Ҳаёти шахсӣ
Чаудҳарӣ бо тенисисти машҳур Леандер Паес робитаи ошиқона доштанд вале пас аз хиёнати Леандер бо Риа Пилаӣ модел, онҳо ҷудо шуданд[3]. Маҳима Чаудҳарӣ моҳи ноябри соли 2006 бо Боббӣ Мукҳерҷӣ ба шавҳар баромадааст. Онҳо дар Лос-Вегас шинос шудаанд, Боббӣ дӯсти наздики бародари Маҳима аст. Шавҳари Маҳима меъмор мебошад[4]. Маҳима ҳамсари дуюми Боббӣ ба ҳисоб рафта, Боббӣ аз завҷаи аввалааш ҷудо шудааст ва ду фарзанд дорад. Маҳима ва Боббӣ бо анъанаи ҳиндуӣ ақд кардаанд.[5]10 июн и соли 2007 ин ҷуфт соҳиби духтарчае бо номи Арян гаштанд[6].
Фаъолият
Ӯ дар озмоиши барои филми Умедҳои фиребхурда (англ. Pardes) иштирок намуда аз байни 3000 нафар нақш аз они ӯ мешавад, ки ин филм соли 1997 ба навор гирифта шуд. Дар филм ӯ бо шоҳи Болливуд Шоҳруххон нақш бозидааст. Филм хело муваффақ шуд, ки ҷоизаҳои бисёреро бурд намуд ва Маҳима ҷоизаи Filmfare Awards-ро барои Беҳтарин Нақш ба даст овард[7]. Баъди бозидани ин филм ӯро ба бисёр филмҳои дигаре даъват намуданд. Нақшҳои дигари ӯ дар филми Омӯрзиш (англ. Daag: The Fire, 1999) буд, ки ӯ ду нақшро бозидааст ва дар дар филми Муҳаббат бозича нест (англ. Pyaar Koi Khel Nahin 1999), нақши бевазанеро мебозад, ки маҷбур мешавад ба бародари шавҳараш ба шавҳар мебарояд ва Маҳима аз иҷрои ин нақш ба хубӣ баромадааст; дар филми Тапиши дил (англ. Dhadkan, 2000) ӯ нақши дуюмдараҷаро бозидааст, дар филм ба шахсе ошиқ мешавад, ки мард зани дегараро дӯст медорад; дар филми Иваз (англ. Deewane) нақши сарояндаро мебозад ва ошиқи ғоратгаре аст; дар Қатънашаванда (англ. Kurukshetra) нақши ҳамсари якрави полисро дорад; дар Гуреза (англ. Lajja) нақши арӯси ҷавонро меофарад, ки бо гаронии қалини маросими тӯй мубориза мебарад. Инчунин дар филмҳои Иҷоранишини ҷаззоб (англ. Yeh Teraa Ghar Yeh Meraa Ghar 2001), Бемории рӯҳӣ(англ. Om Jai Jagadish 2002),Ба ман танҳо муҳаббат лозим аст (англ. Dil Hai Tumhaara 2002), Ишқ бар намегардад (англ. Dobara 2004) ва ғайраҳо аз уҳдаи нақш ба хубӣ баромадааст.
Маҳима бо бисёр ҳунарпешаҳои машҳури Ҳиндустон аз қабили: Каҷол, Шилпа Шеттӣ, Амиша Пател, Урмила Матондкар, Маниша Коирала, Равина Тандон, Рекҳа, Ҳема Малинӣ, Притӣ Зинта ва Табу ҳамкори кардааст.
Соли 2010 дар филми Асад Раҷа бо номи (англ. Pusher) бо ҳунарпешаи ширинкор Манӣ Лиақат нақш бозидааст. Маҳима инчунин дар триллери (англ. Mumbhaii - The Gangster 2015) бо Санҷай Капур ва Ом Пурӣ ҳунарнамоӣ кардааст. Соли 2016 дар филми Шоколади сиёҳ (англ. Dark Chocolate ) дар нақши антагонист бозидааст.
Филмнома
| Сол | Филм (номи аслӣ) | Нақш | Номҳои тоҷикӣ |
|---|---|---|---|
| 1997 | Pardes | Кусум Ганга | Орзуҳои фиребхурда |
| 1999 | Manasulo Maata | Прия | |
| Dil Kya Kare | Кавита Кишоре | ||
| Daag: The Fire | Каҷал Верма / Каҷрӣ | Омӯрзиш | |
| Pyaar Koi Khel Nahin | Ниша | Муҳаббат бозича нест | |
| 2000 | Dhadkan | Шитал Варма | Тапиши дил |
| Deewane | Пуҷа | Иваз | |
| Kurukshetra | Анҷали П. Сингҳ | Қатънашаванда | |
| Khiladi 420 | Риту Бҳардваҷ | Бозигари рақами 420 | |
| 2001 | Lajja | Майтҳилӣ | Гуреза |
| Yeh Teraa Ghar Yeh Meraa Ghar | Сарасватӣ | Иҷоранишини ҷаззоб | |
| 2002 | Om Jai Jagadish | Айеша | Бемории рӯҳӣ |
| Dil Hai Tumhaara | Ниммӣ | Ба ман танҳо муҳаббат лозим аст | |
| 2003 | Saaya | Таня | |
| Tere Naam | Баромади махсус дар суруди "O Jaana" | ||
| Baghban | Арпита Алок Малҳотра | Муҳаббат ва хиёнат | |
| LOC Kargil | Рина Ядав | ||
| 2004 | Dobara | Анҷали Сегал | |
| 2005 | Zameer: The Fire Within | Суприя Маҳешварӣ | |
| Kuchh Meetha Ho Jaye | Гулоб Хон | Вохурӣ дар фурудгоҳ | |
| Sehar | Анамика Кант | ||
| Film Star | Ҳира Пандит | Ситораи синамо | |
| The Film | Сушмита Бандерҷит | Синамо | |
| Home Delivery | Мая | ||
| Bhagmati | овоздиҳанда | Бҳагматӣ | |
| 2006 | Souten: The Other Woman | Миталӣ 'Мита' Сингҳ | Зани дигар |
| Sandwich | Свит Сингҳ | Сендвич | |
| Kudiyon Ka Hai Zamana | Анҷалӣ | ||
| Mr 100% | Шилпа | Ҷаноби 100% | |
| Hope and a Little Sugar | Салони | Муҳаббат ва каме ширинӣ | |
| Sarhad Paar | Симрам | Дар марз | |
| 2008 | Gumnaam – The Mystery | Риа | Мистерия |
| 2010 | Pusher | Анита | |
| 2015 | Mumbhaii - The Gangster | Ҳамсари ғоратгар | |
| 2016 | Dark Chocolate | Ишанӣ Банерҷӣ | Шоколади сиёҳ |
Барномаи телевизионӣ
Маҳима Чаудҳарӣ дар барнома - озмуни Чипта ба Болливуд (англ. Ticket to Bollywood ) аз 17 марти 2014 то 6 июни 2014 аъзои ҳакамон буд[8].
Ҷоизаҳо
.jpg)
- 1998 — Filmfare Award барои беҳтарин ва аввалин нақши занона (Умедҳои фиребхурда) — ғолиб [9]
- 1998 — Filmfare Award беҳтарин нақши занона (Умедҳои фиребхурда) — номзад[10]
- 1999 — Filmfare Award беҳтарин нақши занонаи дуюмдараҷа (Как же быть сердцу) — номзад[11]
- 2001 — барои беҳтарин нақши занонаи дуюмдараҷа. (Тапиши дил) — номзад[12]
- Zee Cine Awards
Нигаред низ
Эзоҳ
Сарчашма
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
