స్థూల కాయం
From Wikipedia, the free encyclopedia
స్థూల కాయం[1] అనగా శరీరంలో అవసరానికి మించి కొవ్వు చేరి ఆరోగ్యానికి చెరుపు చేసే ఒక వ్యాధి. [2] ఒక వ్యక్తి యొక్క ఎత్తుకు, బరువుకు గల సంబంధమును - శరీర భారసూచిక (బాడీ మాస్ ఇండెక్స్) సూచిస్తుంది. ఏ వ్యక్తికైనా ఇది 30 కె.జి/ చదరపు మీటరుకు పైన ఉంటే స్థూలకాయంగా లెక్కిస్తారు.[3] దీనివల్ల గుండెకు సంబంధించిన వ్యాధులు, మధుమేహం (డయాబెటిస్), నిద్రలో సరిగా ఊపిరి సరిగా తీసుకోలేకపోవడం (నిద్రలో శ్వాసకు అంతరాయాలు), కీళ్ళనొప్పులు, కొన్ని రకాలైన కర్కటవ్రణాలు ( క్యాన్సర్) లాంటి సమస్యలు వచ్చే అవకాశం ఉంది. మోతాదుకు మించి ఆహారం తీసుకోవడం, సరైన వ్యాయామం లేకపోవడం, కొన్ని సార్లు వారసత్వం కూడా దీనికి ప్రధాన కారణాలుగా చెప్పవచ్చు.
సరైన రీతిలో ఆహారం తీసుకోవడం, క్రమం తప్పకుండా వ్యాయామం చెయ్యడం దీనికి ముఖ్యమైన చికిత్సలు. వీటి వల్ల కాకపోతే స్థూలకాయానికి వ్యతిరేకంగా ఆకలి తగ్గించేందుకు కొవ్వులను సంగ్రహించే సామర్థ్యాన్ని తగ్గించేందుకు కొన్ని మందులు ఉన్నాయి.
![Thumb image](http://upload.wikimedia.org/wikipedia/commons/thumb/1/1c/Prevalence_Of_Obesity_In_The_Adult_Population_By_Region.svg/320px-Prevalence_Of_Obesity_In_The_Adult_Population_By_Region.svg.png)