![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f0/Physicsdomains.svg/langte-640px-Physicsdomains.svg.png&w=640&q=50)
సాంప్రదాయ యాంత్రికశాస్త్రం
From Wikipedia, the free encyclopedia
Fitzpatrick, Richard. Classical Mechanics (uses calculus)[1]
![Thumb image](http://upload.wikimedia.org/wikipedia/commons/thumb/f/f0/Physicsdomains.svg/640px-Physicsdomains.svg.png)
భౌతిక శాస్త్రంలో గుళిక (క్వాంటమ్) యంత్రశాస్త్రము, సంప్రదాయిక యంత్రశాస్త్రం అనేవి రెండు ముఖ్యమైన ఉప శాఖలు.
![Thumb image](http://upload.wikimedia.org/wikipedia/commons/thumb/4/4e/Orbital_motion.gif/220px-Orbital_motion.gif)
- సంప్రదాయిక యంత్రశాస్త్రం (classical mechanics) అనే పదం వాడుకలోకి 20 వ శతాబ్దంలో భౌతిక వ్యవస్థను వర్ణించేందుకు ఐజాక్ న్యూటన్ తో ప్రారంభమై 17వ శతాబ్దంలో జోహాన్నెస్ కెప్లర్, టైకో బ్రాహీ, గెలీలియో మొదలైనవారు వాడారు.
![Thumb image](http://upload.wikimedia.org/wikipedia/commons/thumb/3/3b/Portrait_of_Sir_Isaac_Newton%2C_1689.jpg/640px-Portrait_of_Sir_Isaac_Newton%2C_1689.jpg)
- వస్తువుల యొక్క కదలికలని, గమనాన్ని గురించి తెలియజేసే శాస్త్రాలలో సంప్రదాయిక యంత్రశాస్త్రం అన్ని శాస్త్రాల కంటే పురాతనమైనది. దీన్ని నూటనిక యంత్రగతి శాస్త్రము (Newtonian mechanics) అని కూడా వ్యవహరిస్తారు. అతి విస్తృతమైన ఈ శాఖ ఆధునిక సాంకేతిక రంగానికి మూలస్తంభం.
- భౌతిక ప్రపంచంలో వస్తువుల వ్యవస్థ మీద బలాల వ్యవస్థ పనిచేస్తూన్నప్పుడు ఆ వస్తు సమూహం యొక్క చలన లక్షణాలని వర్ణించే శాస్త్రం పేరు సంప్రదాయిక యంత్రశాస్త్రం.
- సంప్రదాయిక యంత్రశాస్త్రం స్థూల వస్తువుల గమన స్థితిని (అనగా విసరిన వస్తువుల గమనం, యంత్రాల గమనం, ఖగోళంలో ఉన్న గ్రహాల గమనం, తారల గమనం, వగైరా) వివరిస్తుంది.
- అంతేకాకుండా, ఈ శాస్త్రంలో కొన్ని ప్రతేక శాఖలు ఉన్నాయి. అవి ఘన, ద్రవ, వాయువుల గురించి చెబుతాయి.
- స్థూల వస్తువులకు పరిమితం అయినప్పటికి సంప్రదాయిక యంత్రశాస్త్రం కచ్చితమైన ఫలితాలని ఇస్తుంది.
- స్థూల స్థితి నుండి సూక్ష్మ స్థితికి వచ్చినప్పుడు మాత్రం సాంప్రదాయిక యంత్రశాస్త్రము వర్తించదు. భౌతిక నియమములతో పాటు అణుప్రకృతిని ప్రతిబింబించే గుళిక యంత్రశాస్త్రము (quantum mechanics) అవసరము అవుతుంది.
- అయిన్స్టయిన్ ప్రతిపాదించిన సాపేక్ష యంత్రశాస్త్రం (relativistic mechanics) కూడా సంప్రదాయిక యంత్రశాస్త్రంలో ఒక భాగంగానే చెల్లుతోంది.