![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/06/Shri_Vithalbhai_Patel.jpg/640px-Shri_Vithalbhai_Patel.jpg&w=640&q=50)
విఠల్ భాయ్ పటేల్
భారతీయ రాజకీయవేత్త / From Wikipedia, the free encyclopedia
విఠల్ భాయ్ పటేల్, (1873 సెప్టెంబరు 27 - 1933 అక్టోబరు 22) [1] భారతీయ కేంద్ర శాసనసభ సభ్యుడు, రాజకీయ నాయకుడు, స్వరాజ్ పార్టీ వ్యవస్థాపకుడు. విఠల్ భాయ్ పటేల్ 1873 సెప్టెంబరు 27న గుజరాత్ రాష్ట్రం, నాడియడ్ పట్టణంలో జన్మించాడు. ఇతను, ఐరన్ మ్యాన్ ఆఫ్ ఇండియా గా ప్రసిద్ధి చెందిన సర్దార్ వల్లభాయ్ పటేల్కు అన్న. స్వాతంత్ర్య ఉద్యమంలో పాల్గొన్నాడు. విఠల్ భాయ్ విద్యాభ్యాసం నాడియాడ్, బొంబాయి లలో జరిగింది. గోధ్రా, బార్శద్ కోర్టులలో జూనియర్ లాయర్ గా పని చేశాడు. చిన్న వయస్సులోనే దివాలిబా అనే అమ్మాయిని వివాహం చేసుకున్నాడు. 1913 మిడిల్ టెంపుల్ ఇన్, లండన్ నుండి ఉన్నత చదువులు పూర్తి చేసి, భారతదేశానికి తిరిగి వచ్చాడు. బొంబాయ్ అహ్మదాబాద్ కోర్టులలో ఒక న్యాయవాదిగా పనిచేశాడు. [2] 1915లో ఇతని భార్య మరణించింది.
![Thumb image](http://upload.wikimedia.org/wikipedia/commons/thumb/0/06/Shri_Vithalbhai_Patel.jpg/320px-Shri_Vithalbhai_Patel.jpg)