వరల్డ్ సిరీస్ క్రికెట్
From Wikipedia, the free encyclopedia
వరల్డ్ సిరీస్ క్రికెట్ (WSC) అనేది 1977 - 1979 మధ్య జరిగిన వాణిజ్య వృత్తిపరమైన క్రికెట్ పోటీ. దీనిని కెర్రీ ప్యాకర్, అతని ఆస్ట్రేలియన్ టెలివిజన్ నెట్వర్క్ నైన్ నెట్వర్క్ నిర్వహించారు. అంతర్జాతీయ క్రికెట్కు పోటీగా WSC పోటీలు నిర్వహించింది. వరల్డ్ సిరీస్ క్రికెట్, క్రికెట్ స్వభావాన్ని సమూలంగా మార్చివేసింది. దాని ప్రభావం నేటికీ కొనసాగుతోంది.
వరల్డ్ సిరీస్ క్రికెట్ | |
---|---|
దస్త్రం:Wsc-logo.svg | |
నిర్వాహకుడు | కెర్రీ ప్యాకర్ |
ఫార్మాట్ | వివిధ |
తొలి టోర్నమెంటు | 1977 |
చివరి టోర్నమెంటు | 1979 |
జట్ల సంఖ్య | నాలుగు: Australia XI Cavaliers XI World XI West Indies XI |
అత్యధిక పరుగులు | గ్రెగ్ చాపెల్ |
అత్యధిక వికెట్లు | డెన్నిస్ లిల్లీ |
WSC ఏర్పడటానికి మూడు ప్రధాన కారకాలున్నాయి - క్రికెట్ నుండి జీవనోపాధి పొందేందుకు లేదా తమ మార్కెట్ విలువను ప్రతిబింబించడానికి ఆటగాళ్లకు తగిన మొత్తంలో చెల్లింపులు జరగడంలేదనే భావన ఆటగాళ్ళలో ఉంది. కలర్ టెలివిజన్ వ్యాప్తితో క్రీడా కార్యక్రమాలను వీక్షించే ప్రేక్షకుల సంఖ్య పెరగడం. క్రికెట్ను బిర్వహిస్తున్న క్రికెట్ బోర్డులు, క్రికెట్కు ఉన్న వాణిజ్యపరమైన సామర్థ్యాన్ని ఉపయోగించుకోవడం లేదు. అప్పట్లో ఆస్ట్రేలియాలో క్రికెట్ ప్రసార హక్కులు ప్రభుత్వ యాజమాన్యం లోని ఆస్ట్రేలియన్ బ్రాడ్కాస్టింగ్ కమీషన్ (ABC) ఆధీనంలో ఉండేవి. ఆ ప్రసార హక్కులు తాను పొందాలని ప్యాకర్ కోరుకున్నాడు.
1976లో ఆస్ట్రేలియా టెస్ట్ మ్యాచ్ల ప్రత్యేక టెలివిజన్ హక్కులను పొందేందుకు ఛానల్ నైన్ యొక్క బిడ్ను ఆస్ట్రేలియన్ క్రికెట్ బోర్డు (ACB) నిరాకరించడంతో, ప్రముఖ ఆస్ట్రేలియా, ఇంగ్లీష్, పాకిస్తానీ, దక్షిణాఫ్రికా, వెస్ట్ ఇండియన్ ఆటగాళ్ళతో రహస్యంగా ఒప్పందాలు కుదుర్చుకుని ప్యాకర్, తన సొంత సిరీస్ను ఏర్పాటు చేసుకున్నాడు. అదే వరల్డ్ సీరీస్ క్రికెట్. ముఖ్యంగా ఇంగ్లండ్ కెప్టెన్ టోనీ గ్రెగ్, వెస్టిండీస్ కెప్టెన్ క్లైవ్ లాయిడ్, ఆస్ట్రేలియా కెప్టెన్ గ్రెగ్ చాపెల్, కాబోయే పాకిస్థాన్ కెప్టెన్ ఇమ్రాన్ ఖాన్, ఆస్ట్రేలియా మాజీ కెప్టెన్ ఇయాన్ చాపెల్ లు ప్యాకర్తో ఒప్పందాలు కుదుర్చుకున్నవాళ్ళలో ఉన్నారు. వ్యాపారవేత్తలు జాన్ కార్నెల్, ఆస్టిన్ రాబర్ట్సన్ లు ప్యాకర్కు సహాయం అందించారు. వీరిద్దరూ సిరీస్ ప్రారంభ సెటప్ లోను, నిర్వహణ లోనూ పాలుపంచుకున్నారు.
ఆస్ట్రేలియన్ కెప్టెన్ ఇయాన్ చాపెల్ ప్రపంచ సిరీస్ క్రికెట్ నాణ్యత గురించి చెబుతూ, తాను ఆడిన అత్యంత కఠినమైన క్రికెట్ అని చెప్పాడు (ప్రపంచంలోని అత్యుత్తమ ఆటగాళ్లందరూ అందులో పాల్గొన్నారు). [1]